影片
更多
2022-11-30
300 浏览
勁耐冇食過意粉嗰啲西餐，就同老公嚟咗呢間意粉狂熱，聽個名就知一定有意粉，仲要係招牌菜嘅意粉啦😊忌廉蘑菇湯$28超香濃蘑菇味，每一啖都可以食到蘑菇粒，不過如果再熱啲就好😊特濃南瓜忌廉粟米湯$28勁濃郁南瓜味，裏面有粟米粒咬下，呢個湯非常之開胃🤤蒜味芝士雞翼$38呢一個雞翼非常之出色，雞翼大大隻之餘，可以揸到外脆內軟，內裏亦都好Juice，再加上勁濃厚嘅蒜香味，簡直一流，再配埋佢個蒜香芥末醬，我覺得呢個簡直可以食完又食唔夠喉😍😍😍😍軟殼蟹配海膽忌廉汁意大利飯 $128非常之出色嘅一個意大利飯，首先佢嗰1塊圓形嘅脆脆片其實係芝士片嚟㗎，因為咬入口脆卜卜之餘仲帶點芝士味嘅鹹香，好得意，第一次食，至於個意大利飯，個人就認為有少少漏口，但係都唔差，好香海膽味，軟殼蟹有一隻蟹份量，劏開咗兩邊，入口都係脆卜卜亦都咬到有肉質感覺忌廉芝士雞肉千層麵$88雞肉好香口，肉質亦都好嫩口，千層麵每一啖都有忌廉芝士，好好食，味道唔錯美式辣肉腸pizza $68佢分咗兩個size，一大一細，咁我哋得兩個人就叫咗個細嘅過下口癮，勁鍾意呢一款pizza，薄薄地又唔會好似食咗成個包咁，但係薄得來又有少少咬口，唔會好似薄到張
忌廉蘑菇湯$28
超香濃蘑菇味，每一啖都可以食到蘑菇粒，不過如果再熱啲就好😊
特濃南瓜忌廉粟米湯$28
勁濃郁南瓜味，裏面有粟米粒咬下，呢個湯非常之開胃🤤
蒜味芝士雞翼$38
呢一個雞翼非常之出色，雞翼大大隻之餘，可以揸到外脆內軟，內裏亦都好Juice，再加上勁濃厚嘅蒜香味，簡直一流，再配埋佢個蒜香芥末醬，我覺得呢個簡直可以食完又食唔夠喉😍😍😍😍
軟殼蟹配海膽忌廉汁意大利飯 $128
非常之出色嘅一個意大利飯，首先佢嗰1塊圓形嘅脆脆片其實係芝士片嚟㗎，因為咬入口脆卜卜之餘仲帶點芝士味嘅鹹香，好得意，第一次食，至於個意大利飯，個人就認為有少少漏口，但係都唔差，好香海膽味，軟殼蟹有一隻蟹份量，劏開咗兩邊，入口都係脆卜卜亦都咬到有肉質感覺
忌廉芝士雞肉千層麵$88
雞肉好香口，肉質亦都好嫩口，千層麵每一啖都有忌廉芝士，好好食，味道唔錯
美式辣肉腸pizza $68
佢分咗兩個size，一大一細，咁我哋得兩個人就叫咗個細嘅過下口癮，勁鍾意呢一款pizza，薄薄地又唔會好似食咗成個包咁，但係薄得來又有少少咬口，唔會好似薄到張紙咁，呢一款做得好好，辣肉腸未到唔算太辣，入口惹味👍🏻
平時呢間餐廳就見得多，今次都係第一次入去食，竟然有驚喜樣樣嘢都唔錯幾好食，下一次都會繼續encore，而蒜香芝士雞翼點都一定要嗌㗎啦😂
张贴
