麵尊

营业中

休息中

平時食開嗰間車仔面，今晚冇開，轉咗去同一條街嘅面尊。呢間車仔面，平時都好長龍，今晚條龍短咗，即管去試吓。我哋分別叫咗兩碗。一碗四餸一面，另一碗五餸（菜底）。分別有酸齋、魚蛋、豬皮、豬紅、魷魚、牛腩、蘿蔔幾樣嘢。去到邊都要試吓。個酸齋，間間啲自家制都唔同，呢個整法酸甜適中，有口感唔會煮得太爛。一份酸齋有三四舊，可以接受。魷魚都整得幾好，微辣，彈牙，唔會過熟就變硬。魚蛋味道偏淡，冇乜魚味。豬皮剪得太碎。整體都幾好，平平哋又可以食得好豐富。多人排隊都值得等吓。下次會再幫襯。