慈素小聚

营业中

休息中

同屋企人食飯，成日都想食啲健康啲嘅嘢，中菜通常都太油膩，今日慶祝咗屋企人生日，咁就揀咗呢一間素食餐廳。一去到已經見到好多人都食緊呢個素食三文魚拼盤，我見佢個賣相好靚，咁就一於叫咗黎試吓啦。估唔到佢上枱仲會有啲乾冰，好似食緊放題嘅刺身咁靚。而且三文魚食落好真，點埋豉油芥辣真係同三文魚一模一樣。而且食落仲比普通三文魚更加厚，嗰個都讚呢個三文魚好似呀。呢個日式芥辣蝴蝶蝦都好值得一讚，雖然佢上枱嘅時候好似蟹柳咁，但係咬落同蝦好相似。唔知佢嘅食材係咩，但係食落好彈牙，屋企人仲話佢比真正嘅客更加好食同埋彈牙。值得一讚嘅，仲有呢個黑松露蘿蔔糕。雖然本身蘿蔔糕就唔係肉類，但係呢個蘿蔔糕炸得好脆，點埋黑松露同埋辣醬食，真係好夾。而且佢入邊雖然冇臘肉，但係食落好香口，比平時嘅蘿蔔糕更加好食。呢間素食餐廳又靚又抵食，而且佢嘅素食食物同肉類真係好似，同埋食落一啲都唔油，感覺好健康，真係好適合同屋企嘅長輩一齊嚟食。