壹蒸鍋

营业中

休息中

繼續生日月快樂飯，繼續食海鮮打邊爐，成班朋友住喺港九新界都有，都係集中約喺旺角食最好，聽講呢間壹蒸鍋平靚正就試下。第一件事梗係去揀下醬汁，嘩啲醬料真係超多款式， 望落樣樣都好似好正咁，waiter哥哥同我講一定要試下呢一個韓式燒烤醬同埋自家製xo醬，唔係會後悔，咁你咁講我梗係即刻嚟試下啦，果然非常正， 尤其是佢嘅自製嘅XO醬特別好味道啊，因為入面佢嗰啲用料就好十足，同埋好平均用瑤柱嘅比例係真係啱啱好。飲品嘅選擇都有成二十幾款呀，勁多好吸引嘅飲品，樣樣都好想揀。刺身就加＄30就可以任食啦，非常之抵食，有成八種刺身咁多添，我地叫左成船刺身，都好靚好新鮮。依家我哋呢個時段食嗰啲呢，系＄189一位就包左一個任食嘅打邊爐或者係蒸氣火鍋，咁如果海鮮呢個呢就會包每人一份俾你的。咁如果要加波士頓龍蝦嘅話呢就＄30一份（1人份量）海鮮嘅選擇非常之多，都未到打邊爐淨係食海鮮已經食到你好飽好滿足，海鮮都比較新鮮同埋呢佢落咗啲蒜蓉落去蒸，味道很好很香。真係超滿足嘅一餐，佢用料又新鮮，咁就食咗個好開心嘅生日飯。