法國飯店

营业中

休息中

上星期拍拖紀念日男朋友帶咗我去睇日落，順便book咗法國餐廳食晚餐，建議大家一定要book枱如果唔係walk-in有排等啊先來咗個法包，都係傳統法包比較硬建議大家可以叫黑松露野菌湯拎嚟點包十分之好味😋黑松露野菌湯好香菇味濃郁，而且細滑唔會杰撻撻😝👍另外仲叫咗一個前菜半生熟芝麻吞拿魚伴香桃沙沙，🍑擺盤好靚好鮮艷，吞拿魚入口即溶上高擺咗啲香桃粒食落好清新🥰蕃茄龍蝦汁海鮮意大利飯呢個必定要叫，龍蝦汁俾啲意大利飯吸晒食落好香龍蝦味，飯嘅質感偏向有咬口，係我鍾意嘅口感🤤風乾火腿蕃茄醬焗燒春雞配紅酒汁，雖然佢係春雞但係其實個size都唔細，下邊仲擺咗好多蘆筍，點返紅酒汁令到雞肉更加入味