法國飯店

首先，happy hour ，buy 1 get 1 free，諗住同女朋友一邊嘆酒，一邊行住睇日落。 之後一個推俾一個，話冇得外賣，就焗我哋坐低。咁佢想收+1服務費都算見過環境都唔錯，就坐低咗。點知到埋單嘅時候，見到係收兩杯嘅價錢就問過店員。點知個店員就話，係計人頭，當刻已經嬲到爆炸。跟住問佢另外兩杯可唔可以拎走用個膠杯裝住，佢只係同我講冇杯蓋，但可以拎走，當刻好似火上加油咁，就唔好同我一開始講冇得take away。如果其他時段去食真係唔知會發生啲咩事，絕對唔會再幫襯！！！黑到爆炸！！…查看更多

黃金海岸廣場有活動，難得同小朋友黎玩，散場周圍都多人，揀間望落坐得舒服質素又唔錯既光顧。8:10pm入座，10分鐘內order ，一個$1188 二人餐及一人餐，約8:45pm來了二人餐的海鮮拼盆。由於小朋友都開始餓到無耐性，就問問侍應小姐「請問可否上左個湯先，小朋友餓了。」侍應小姐回覆「好的幫你跟跟。」15分鐘後仲未上，再追問「可否上個湯先？就黎一個鐘啦，淨係黎左海鮮拼盆。。可否先上個湯比小朋友飲左先？ 」在旁的仔仔已經餓到喊左兩次，侍應小姐再回覆我等等。其實自己語氣都好好而且都唔係高要求要主菜之類，只係想先碗熱湯比小朋友暖下個胃，我估湯都唔會每碗煮掛？都可以一個鐘都起唔到？實在難接受！等到9:15pm，仍然未上湯x3，前菜及3款主菜。實在太耐！問另外一位貌似高級d的侍應小姐，她解釋人多呀多單之類，其實都唔係我要考慮既野，因為當時9:15 已經唔少枱走左，而且廣場有活動商戶都增加人手吧？消化唔到咁多客充唔好開咁多枱喇？（有室內外）。到9:25已經認唔住，身邊小朋友再次餓到喊，我決定馬上帶佢地離開餐廳、要求未來的全部取消，要求只付海鮮拼盆費用。該高級d侍應小姐都有道歉，說拼盆就免除費用了。但我真係了解下貴公司的出餐問題，明知有活動一定人流多，出餐都可以慢到咁，如果拼盆、湯、前菜等每款相隔15分鐘出，我覺得都可以接受，起碼有野出，唔係白白咁等1小時淨係出一款，而且前題呢3款野食我相信都唔係即叫即做即砌盆，出餐情況實在難以接受！一定唔會再光顧，幾好食都咁話。…查看更多

位於屯門黃金海岸的法國餐廳，餐廳設計設計優雅風格，特別是戶外座位更可以觀賞海景及停泊於旁邊的豪華遊艇，感受清新的海風之餘更多可以發揮無限想像空間，彷彿自己也身在這些豪華遊艇上😆 享受着各式葡萄酒，使氣氛更加浪漫。今日與家人一起聚會，各人order一份set lunch 而我就order左-煙燻鴨胸配餐湯（雜菜湯） 我本身很喜歡食這餐廳的油封鴨腿，但今日見到有這個煙燻鴨胸就心郁郁想試試😊果然不錯的選擇喜歡煙熏的香味恰到好處沒有完全掩蓋鴨胸本身的肉香😊 而且烹調剛剛好，鴨胸不會過熟而使肉質變硬，而係肉嫩可口肉質還有微微的粉紅色真係一試難忘😋 還有最值得一試就係蕃茄汁大𧎚意大利粉，香濃的蕃茄醬汁掛滿了一條意粉 入口每一啖都充滿着濃濃的蕃茄香味，主角大蝦有3 隻，份量都算足，每隻大蝦都是彈牙可口充滿了茄醬嘅香味，一家人邊吃邊講笑，就這樣渡過一個愉快的下午，快樂其實很簡單。…查看更多

叫咗兩個lunch sets。前菜係沙律同雜菜湯，主菜一個係香蒜大蝦配辣蕃茄汁，另一個係香煎三文魚柳配牛油香檳汁。其實唔太覺香蒜大蝦配辣蕃茄汁有辣嘅感覺，可能本身我對於辣味嘅敏感度比較低，如果同我一樣，可以放心食用呢道菜，唔使怕辣。香煎三文魚柳配牛油香檳汁舊三文魚分量算大，啲薯蓉都夠滑~講返環境同服務先，兩者都係好好，環境對著個海?，而且侍應逐道逐道菜上，主菜還主菜，唔會好似某啲餐廳咁唔分主次。BTW，坐出面啲檯墊上面有啲樹趺落嚟嘅嘢，但侍應有幫我哋撥走咗佢~~…查看更多

兩人下午茶時光☕️今日同好耐無見既朋友一齊想揾個寧靜，望到海既地方傾計，就揀左呢間餐廳啦。:):)下午茶餐包括了一樣食物同飲品🥤炸雞腿薯條比較油膩，薯條份量比較少，蕃茄汁少少酸，雞腿味道香濃，外表夠脆蟹肉忌廉意大利粉比較creamy，汁醬可以再多些，蟹肉加入了汁醬，但汁醬遮蓋了蟹肉本身的原味，意大利粉麵條煮得冧身，但份量比較少，唔適合大胃口人士😂😂飲品分別叫左熱檸茶同熱奶茶，比較港式茶餐廳感覺😮😹…查看更多

The chilling moments in GC 🏖️這個對住海的感覺，陽光明媚，歎著一杯白酒，很chill的感覺！切個牛扒，煎得不錯，好吃～ 生蠔像在喝海水般好新鮮好creamy !!甜品tiramisu樣子好靚，像放在了cocktail杯！魚好好吃，青醬好正！咖啡也好喝！…查看更多

先講食物質素，愈來愈差😩最好食的薯蓉焗田螺，黃色一Pat Pat 的醬汁難食到嘔，全部係買返嚟扮自己整嘅垃圾現貨👎辣汁大蝦意粉，水汪汪的醬汁，求其煮比你食👎焗豬腩仔又硬又酥成陣豬酥尿壓味十足🤮最好飲嘅咖啡，不熱及味道差☹️南非生蠔不肥美不鮮甜😪薯菜同擺盆求其到一啲誠意都冇，仲扮係高級的法國菜，價錢愈嚟愈貴，性價比低👎服務態度極差，有位阿嬋侍應經常眼𥄫𥄫😪，目光極不友善，有趕客之嫌😡一直有位靚仔經理服務一流，態度友善誠懇，還會認真唱生日歌，但近幾次去食飯不見了，換來明顯經驗生疏的侍應呆呆滯滯以後不會再去了，也通知朋友們別要去幫襯，錢花掉，但食完一肚火😡😡…查看更多

一入到這家餐廳，就被個蒼鬱高貴嘅氣氛吸引住。落咗幾口飽滿嘅西班牙黑豚鞍排，真係為呢個下午填滿咗幾許溫暖。肉質啱啱好，又腍又香，炭香味撲鼻，每一啖都食得出師傅用心。不得不提嗰啲風乾火腿蕃茄醬焗燒春雞，焗得啱啱好不過不失，鮮嫩多汁，蕃茄醬嗰種惹味，每啖都好似喺舌尖跳躍咁，一啲都唔會膩口。辣番茄汁大蝦扁意粉都係亮點，嗰個辣味偏偏就喺我嘅接受範圍之內，精準得嚟又挑逗到味蕾，難以忘懷。試過呢度嘅食物之後，我好想同所有人講，真·係·好食！🍝🦐環境而言，空間感十足，悠閒自在嘅氣氛令人放鬆，侍應有禮貌，但係小細節仲有待改善，總體嚟講，係一個值得推介嘅法國餐廳。啲麵包好香好脆，沙律都清新得嚟仲要飽味。下次一定要嚟試下佢哋嘅生蠔同埋下午茶，真係一個唔錯嘅地方，攞嚟聚舊返嚟，又或者係自己悠閒度過一個悠長下午。個心情好似被嗰陣陣海風吹得好舒服咁☀️🍷🍽。…查看更多

今年生日到法國飯店晚膳，員工態度十分友善細心，餐廳環境清幽，佈置浪漫又夠情調，食物精緻，性價比高。主餐後叫了點品，員工替我寫上 Happy birthday, 還有一位超高大俊俏的男員工唱了首生日歌送給我聽，歌聲十分悅耳，餐廳內其他食客也跟著這位高大威員工一起唱生日歌，我和我的sweetheart 感到很高興，許願後，員工替我們拍照。氣氛十分好呀！我舊曆生日又要sweetheart 同我嚟多一次慶祝㗎。🎂…查看更多

趁未冬天一定要坐外面，感受一下陽光，欣賞一下風景，對住個海食午餐真係好浪漫，好寫意，呢個環境，嘢食如果唔係太難食都已經可以接受，食物普通，冇特別好食唔好食，但係擺盤好靚👍…查看更多

Happy Friday 當然要同老婆去啲又浪漫情調又夠嘅餐廳啦😂今次比小編搵到呢間位於屯門黃金海岸嘅「Le Bristol」食法國餐😬身邊嘅另一半冇得投訴啦掛😝Table for TwoSeafood Platter for Two 二人海鮮盤 $1188/兩位前菜香煎法國鵝肝鮮蝦牛油果凱撒沙律🥗湯黑松露野菌湯魚翅海鮮周打湯主菜炭燒美國自然黑牛肉眼扒配黑椒汁松露野菌燴大蝦意大利飯凍檸茶熱咖啡☕️前菜嘅鵝肝認真不得了😋夠哂肥美 而且啖啖油香味😬真係唔多夠喉😝然後到塊黑牛肉眼扒，十分之鮮嫩，肉汁豐富！5成熟真係可以食到塊扒本身嘅牛味😋無得頂呀😬P.S. 職員們服務態度認真抵讚👍非常主動 兼 有禮😊小編同太太都食得好愉快☺️另外因為臨近中秋節，比小編見到餐廳賣緊一款月餅係非常之特別嘅口味，係街都比較少見到，就係「朱古力心太軟月餅」😬最近仲做緊優惠，由$328 -> $298！送禮自用都岩哂😊…查看更多

假日嘅下午嚟到呢間餐廳，入到去樓底幾高，檯與檯之間唔會太窄，坐得都幾舒服。午餐跟嘅麵包，都幾香脆可口前菜嘅沙律，配上三文魚碎，新鮮嘅菜配埋個汁好開胃同清新。辣番茄汁大蝦扁意粉，酸酸辣辣嘅番茄汁，配埋軟硬適中嘅意粉好惹味。而大蝦亦吸咗濃濃嘅醬汁，口感彈牙，可以一試另外，下午茶餐都好抵食，叫咗個肉醬意粉，同樣，濃濃嘅醬汁，配埋都幾香口嘅肉醬，意粉軟硬適中又入味。下次嚟打算試吓佢哋嘅生蠔，款式都好多，服務都唔錯，值得一試！…查看更多

嚟到黃金海岸就食個下午茶，呢間係第一間試嘅餐廳，練呢間係因為下午茶嘅食物啱食啲。環境幾好，本想坐出面望住個海Chill下，但係出面full哂，唯有坐入面，入面同出面完全唔同。出面好寫意，入面感覺就係高級餐廳我哋叫咗兩份下午茶，一個係迷你安格斯漢堡包$98，真係好迷你，小朋友嘅份量，味道係可以嘅！另外一份，燒牛肉配意大利洋蔥包 108話個麵包有洋蔥味，有小小味唔係好重，令成個包嘅味道提升，呢個又幾好味，不過又係細件，同薯條差唔多長，食埋啲薯條都唔飽，最後嗌多個意粉，無影相其實味道係唔錯，環境真係好，不過唔係好抵，服務又一般，下次試吓午餐，睇吓係咪又係細份先，會再會報！…查看更多

去過兩次 一次比一次嘈我係為佢嘅生蠔🦪而嚟最平嗰款南非生蠔都唔錯 幾鮮甜諗返都想食😋黑松露薯角 我就唔識欣賞啦 唔脆 又無乜薯味另外 叫咗個大蝦意粉 不過不失大蝦都幾新鮮 唔係「梅」蝦 🦐羊扒都好味嘅 嗌左七成熟😊…查看更多

位於香港黃金海岸的法國餐廳提供的下午茶餐是一個非常不錯的選擇，其中的印度烤雞沙律更是令人驚艷。這道沙律的味道非常獨特，雞肉經過烤製後變得鮮嫩多汁，配上新鮮的蔬菜和印度香料，味道香濃醇厚，讓人回味無窮。這道沙律的擺盤也非常精美，色彩和諧，令人食欲大開。綠色的蔬菜和紅色的印度雞相得益彰，而雞肉則是橙黃色，看上去非常誘人。此外，法國餐廳的環境也非常舒適，適合與家人朋友一同品嚐下午茶餐。餐廳的服務也十分周到，讓人感到賓至如歸。而這道菜品的營養價值也非常高，富含蛋白質和維生素，是一道健康美味的菜品。總的來說，法國餐廳的下午茶餐提供了豐富的美食選擇，而這道印度烤雞沙律更是其中的亮點之一。加上優美的環境和周到的服務，讓用餐體驗更加完美。強烈推薦到法國餐廳品嚐這道菜品，絕對不會讓您失望。食滿$300 仲有2個鐘泊車優惠！抵食抵食…查看更多