紅豆烘焙 (西洋菜南街)

营业中

休息中

行完街肚仔又有少少餓，返屋企前睇下買咩返屋企食下先。平時經過呢間~紅豆烘焙~都見好多人買，一於買啲甜品返屋企開心下先。入去鋪頭望望，好多款式，傳統中式麵包又有，西餅同新款甜品又有，特別想試布甸麵包。我就買左幾個唔同款式既甜品，返到屋企即刻試下先。布甸麵包總共有3款口味，原味/焦糖/朱古力，今次試返個原味。布甸係流心架，聽講材料都用上優質食材，賣15蚊個都好抵食。法式麵包脆脆，濃濃嘅蛋香味，好滑流，甜度適中。楊枝金露雪果子呢個都好有驚喜，切開有好多芒果肉，啲 cream 又好香，個皮又薄又煙韌。藍莓芝士餅口感濕潤軟滑，芝士味香濃。三個甜品食唒，多多都食得哂。