紅豆烘焙 (西洋菜南街)

每次遇到麵包蛋糕都要試，因為這是碩果僅存不是每間麵包店都有的麵包。今早行經，竟然遇上，立刻買來一試，蛋糕濕潤，帶點日式蛋糕色彩。菠蘿包皮的包就不覺得很特別。三個形切割，所以麵包及蛋糕比例是1:2。 整體來說，比較似工廠做的機器麵包, 不太似傳統手工麵包。…查看更多

呢一間麵包店，勝在啲款式夠多樣化，最近熱門嘅麵包種類佢都齊全諗住就揀咗個雙層芝士麻糬包試吓，佢個包係麻糬，而裏面係有芝士味嘅燉蛋，最底就有麻糬，整體嚟講幾好食，但係麻糬嘅存在感就低咗少少，因為個包已經係麻糬皮十幾蚊嚟講係一個唔錯嘅選擇…查看更多

店員態度惡劣、無禮。比錢時發現價錢唔係預期，只係問一句乜唔係xx錢咩？店員好大聲怒罵：你去睇吓啦！d價錢牌放得好取巧，唔係跟包放，而係放包盤上面30cm,睇錯都唔出奇。紅豆烘焙，不了，冇下次，無謂貼錢買難受…查看更多

菠蘿皮麻糬曲奇, 新奇有趣, 一於試伏, 買4送1此款口味有5款 (原味,朱古力,綠茶,開心果,伯爵茶) 其中挑了最為特別的2款口味**菠蘿皮開心果麻糬曲奇** $18菠蘿皮較實, 開心果味欠奉, 麻糬夠煙韌, 整體一般**菠蘿皮伯爵茶麻糬曲奇** $18呢款伯爵茶較突出, 比起開心果好食👍🏻Encore 指數:⭐️⭐️…查看更多

紅豆烘焙成日都會出好多新款式嘅烘焙，啲款跟得好貼潮流，今次見到佢個開心果麻糬布甸又買左嚟試下如何～💚開心果麻糬布甸 $20建議要拎返屋企翻熱左先食麻糬包外皮好脆，但係入面口感冇左麻糬波波嘅煙韌口感包體似食緊佢嘅布甸包多過麻糬布甸包，有小小失望布甸餡好香滑，布甸面佈滿開心果碎，開心果味突出但未到好濃整體表現一般🥺…查看更多

紅豆烘焙竟然推出咗麻薯曲奇仲要有好多口味‼️‼️‼️‼️今次我地揀咗伯爵茶同開心果其實仲有好多款😂😂伯爵茶麻薯曲奇 8.5/10曲奇嘅部份佢酥酥脆脆😋鐘意食酥嘅曲奇一定會鐘意😂😂而且伯爵茶口味相當突出😋配埋麻薯有令曲奇更加正🤩🤩而麻薯部分好煙韌！而且係一咬就有！份量超慷慨🥹🥹開心果麻薯曲奇 7/10麻薯就唔再多講同上述一樣咁好🤣呢款同樣都好唔錯不過比起上一款曲奇嘅味道就冇咁特出開心果味會淡啲但係都食得出有淡淡開心果味同麻薯曲奇好夾🥰🥰…查看更多

紅豆烘焙🫘係一間意見兩極店舖，有好多人大讚👍同時亦都好多人話味道一般👎今次經過就買咗一個試下🍞🍑雙重芝士麻薯 🧀最上面係一個焦香芝士皮🧀而外皮係麻薯波波質地，切開裡面就係好濃郁芝士流心🧀+芝士巴斯克🍰食落去帶有少少煙燻味+ 乳酸味。 爆漿流心芝士+配上煙韌麻薯波波，真心幾好食👍…查看更多

今早買兩隻熟蛋$3/pc,一罐咖啡$8/can (total:$14),條隊又長, 個收銀打完銀碼我就照拍八達通了.但發現扣了 $35, What!? 即刻同個收銀講返! 點知個收銀 (長髮札起的) 就同我講：「我點會收多你呀? 小姐! 」我唯有即刻開八達通App睇返消費拍卡紀錄!堅扣左$35 架wor! 仲咁大聲講野? 一句唔好意思sorry都無?仲要退錢找錢比返我要㩒計數機呀 $35-14 = $21  叻叻! Thank you~ ****各位比錢留心d!!! 已經發生我身上第二次我先寫上黎架喇****…查看更多

依間麵包舖一向都出名緊貼熱潮出唔同款式嘅麵包，好似熱香餅漢堡包、布甸包同法式車輪牛角酥。布甸包有唔同嘅味道選擇:開心果味、原味同伯爵茶味。今日就去咗買開心果味布甸包，布甸包上面有啲開心果碎，賣相幾靚。布甸包食落味道有啲甜，布甸餡都幾順滑，但係開心果味唔太濃郁，唔係太食得出開心果味，只有淡淡嘅開心果味。食落剩係得甜味多啲。麵包質感少少煙靭。布甸包相當大個，食完一個夠晒飽！整體嚟講，味道一般，唔算話好好食。…查看更多

最近熱香餅漢堡熱潮又返嚟，好多唔同嘅麵包舖都出咗自己款式嘅熱香餅漢堡。今次就去試吓免排隊旺角版mcgriddle！🤤熱香餅漢堡 $15係櫃睇比想像中更加薄，但係拎到上手都唔細，size大概比豬柳蛋漢堡大少少。入邊夾咗豬柳蛋同芝士，再加少少嘅沙律醬。兩塊熱香餅嘅厚度都唔薄，但係芝士就冇半融嘅質感啦。咬落口就稍嫌有啲乾，可能入邊都唔係落得太多醬，所以其實都唔係好食得出沙律醬嘅味道。熱香餅唔係好軟熟，同日本嗰隻口感唔太似，但係豬柳蛋煎得都幾香。成個包食落鹹甜相間，味道都幾好。如果唔想排隊又想回味下mcgriddle嘅口感嘅話都可以買嚟過吓口癮，但係想再好食啲可以再試吓其他麵包舖嘅出品啦！📍紅豆烘焙 (西洋菜南街) (旺角)旺角西洋菜南街146號地舖好食指數💗💗💗💕性價比指數💗💗💗💗回頭指數💗💗💗💕推薦指數💗💗💗💕…查看更多

睇完食評, 好想試芒果毛巾卷, 去過幾間紅豆烘焙, 只得西洋菜街分店有, 要$35, 我買之前問店員毛巾卷是否有海綿蛋糕在內, 她說有, 但買回家吃卻發現無海綿蛋糕, 毛巾卷變成普通Pancake?! 味道是OK的, 但$35 就變得偏貴。我心諗可能今次店員拿錯pancake?! 隔咗個幾月再買多一次芒果毛巾卷, 付款前再問店員是否有蛋糕在內, 她說有, 回家吃發現又係無蛋糕!!之後係華美大廈分店買芒果pancake 試吓, 竟然內有海綿蛋糕, 而且只係$18, size 差唔多, 只係包裝無咁靚, 但係平好多, 我覺得西洋菜街分店好唔老實, 而且呢間分店的其他店員都好串同無禮貌, 亦唔明白同區分店價錢差咁遠, 莫非唔同老闆??…查看更多

經常同小朋友黎買早餐，朝早個收銀態度極差，平時都算，今曰我叫佢分裝，竟然反轉得面包係撻托盤到，我話唔衞生，你個托盤又無抹過，我直接放入口，佢仲要超差態度話，係咁嫁啦，無野丫。連鎖係大支野d！！…查看更多

我見網絡大家都非常之鍾意呢間紅豆烘焙 分店有好多，所以即刻買來試吓啦 結果其實都非常之失望嘅 佢嘅布甸包係非常非常之甜 完全食唔到落 最後其實大半個都係揼咗 而且係死甜嗰隻其實講得上都幾難食 我特登買咗返屋企叮熱咗先食 希望佢可以好似嘉xx 咁 脆卜卜 但食落就真係麻麻哋囉 總括嚟講我覺得布甸包嘅話都始祖世一 我就寧願行多幾個街口去買最原始嗰間啦 都唔明點解咁多人幫襯 仲試過佢嘅開心果布甸包 味道一樣係死甜 其實都好難食 最後都係成個抌咗 希望大家唔好中伏啦…查看更多

伯爵茶麻糬布甸（$16) & 酥皮蛋撻（$4.8）📍紅豆烘焙👉🏻伯爵茶味麻糬布甸🍮麻糬包翻熱後外脆！中間的布甸很軟滑甜漏🤤感覺上雲呢拿味比伯爵茶味更加突出中間粒黑糖麻糬很煙靭！自己食曬一個很邪惡呢🤭👉🏻酥皮蛋撻🥧突然想吃很久沒有吃的蛋撻～酥皮翻熱後很脆和帶🧈香不過蛋漿偏少和甜 略有蛋味🥚…查看更多

法式車輪牛角酥係近期超紅嘅打卡甜品，紅豆烘培都出咗呢一類型嘅包，阿美就建議大家買完之後法式車輪牛角酥係近期超紅嘅打卡甜品，紅豆烘培都出咗呢一類型嘅包，今日就去咗佢新開嘅灣仔分店試一試佢嘅開心果留心車輪包。阿美就建議大家買完之後返屋企再焗熱或者用氣炸返熱食，外層會更加脆。開心果醬味亦都非常好食。布甸流心包就係紅豆烘焙嘅打卡名物，包皮酥脆，夾住入邊好大份嘅留心布甸餡，超好食嘅飯後甜品。開心果奶油同奶油味相當香濃，陪着開心果味，食落都係令人返尋味。😋下次又可以嚟到呢間係灣仔放工新開紅豆烘焙買自己想食嘅心意包包返屋企啦。返屋企再焗熱或者用氣炸返熱食，外層會更加脆。開心果醬味亦都非常好食。布甸流心包就係紅豆烘焙嘅打卡名物，包皮酥脆，夾住入邊好大份嘅留心布甸餡，超好食嘅飯後甜品。開心果奶油同奶油味相當香濃，陪着開心果味，食落都係令人返尋味。😋下次又可以嚟到呢間係灣仔放工新開紅豆烘焙買自己想食嘅心意包包返屋企啦。…查看更多