南越南咖啡廳

营业中

休息中

今次試咗多種款式，嫲嫲南越湯，入邊係佢哋招牌嘅金邊粉💕豐富嘅湯料真係好吸引，嫩滑嘅牛肉片，燜得香軟嘅牛面珠，同埋牛筋🤤仲有骨膠原豐富嘅牛尾，彈牙嘅牛肉丸，同埋脆口嘅油條，都非常唔錯！👍佢哋嘅湯底好香，而且金邊粉夠爽口，飽肚之餘，亦非常之滿足~對於牛魔王來講，實在太誘惑❤另一個，我哋試咗下佢嘅南越法式麵包，🍞配菜都好多，除咗有肝醬之外，仲有熏蹄同埋扎肉😋豬耳食起身好爽口，醃製嘅酸蘿蔔，同埋青瓜，就酸酸味味之餘🥒更加清新。調味有辣蛋黃醬，同埋蔥油，所以食落去好香，香葉更加可以令香味，提升一個層次。😚