2派克雞排

营业中

休息中

一直聽到好多人介紹呢間台式雞扒，但係一直都冇機會試，今日經過旺角，竟然見到有分店，咁就一於嚟試吓啦。門口已經勁多人等緊，但係因為好想試所以都叫咗，好彩佢話半個鐘內就會有，咁就梗係叫嚟試吓啦。估唔到佢每樣食物都可以揀兩種粉，如果揀辣嘅話仲可以揀辣度，真係好多選擇。而且呢度嘅職員服務態度都好好，就算好多顧客，佢都唔會態度差，唔怪得咁多人介紹啦。我就覺得呢個薯條比雞扒更加好食，因為炸得好脆，而且薯條切得好厚，襯埋啲粉真係一流啊。而且佢嘅雞扒炸得外脆內嫩，入面真係好嫩滑，同埋辣粉真係好夾。呢度既雞扒又平又抵食，唔怪得開到咁多分店啦，下次都一定會再嚟食呀。