2派克雞排

营业中

休息中

【旺角掃街必食】2派克雞排｜芝士控暴動行過旺角通菜街，俾呢間「2派克雞排（旺角）」個黑金招牌吸引住！試咗佢哋套餐❤️脆🔅皮無骨雞腿排（梅子+芝士）$40真係好有驚喜🤗 雞腿排大過手掌心，外皮脆到似餅乾仲要唔太厚炸皮，咬落「咔嚓」聲勁治癒！梅子粉嘅酸甜完美中和芝士嘅濃郁，肉質仲要juicy到爆汁，難怪包裝寫住「獨家超級配方」！​​🔅脆皮百頁豆腐（海苔+芝士）$24係素食者福音，豆腐外層炸到金黃蜂巢紋，海苔碎同芝士粉鹹香交織，咬落去外脆內軟好似食緊棉花，仲要唔會油膩！​🔅脆皮花枝丸（芥末+芝士）$18就更過癮，花枝丸彈牙到可以打乒乓球！果然係皇牌推介價錢都幾抵食，​​三樣也先$82，兩個人share夠晒飽！環境雖然係外賣店，但包裝好用心，藍白卡通袋夠搶眼！同埋食物是即叫即整，所以製作需時請耐心等候，最重要嘅係佢哋有得電話落單服務，可以落完單先過去拎外賣。❣️2派克雞排(旺角)❣️旺角通菜街1A-1L號威達商業大廈地下A號舖​貼士​：記得加$5配杯嘢飲，解膩又清爽​必試配搭​：梅子芝士雞排+海苔豆腐雙拼，甜鹹交錯仲有拉絲效果，食完即刻想encore！

行過旺角口痕想食炸物同朋友揀咗台式小食店2派克雞排 炸物有8種口味嘅調味粉可以揀🔸脆皮無骨雞排 HKD40唔係講笑！雞排有成隻手掌咁大即叫即炸 一拎上手仲係熱到出煙㗎！炸皮夠薄唔會有油膩感雞排厚肉但炸完仲可以食到嫩滑雞肉！調味好足 就算叫咗原味都唔會好淡口🔹脆皮杏鮑菇 HKD25炸杏鮑菇最講技巧！呢到做到就算炸完 每粒菇都依然juicy！叫咗海苔粉 每粒都均勻有粉 多咗海苔更有風味！🔸脆皮花枝丸 HKD18花枝丸大粒 中間仲食到粒粒花枝！🚩2派克雞排 旺角通菜街1A-1L號威達商業大廈地下A號舖

2派克雞排 (旺角分店)旺角通菜街1A至1L號威達商業大廈地下A號舖經開旺角，老友推介地道台式炸雞排， 買返studio chill 吓先。😋今次叫咗海苔梅子口味: 😙脆皮無骨雞腿排+脆皮無骨雞排即叫即炸，炸油新鮮，外層香脆煙韌，連雞皮都食埋，醃製得恰到好處，份量十足，鹹度適中，趁熱食，好惹味！😍脆皮花枝丸外層香脆，煙韌彈牙，花枝味香濃，大滿足。😽脆皮百頁豆腐外層香脆，口感鬆軟，香濃豆腐味，好味道。😁脆脆雞皮勁爽脆，好似薯片一樣，餸啤酒一流。🤤2派克雞排 食材新鮮，地道小吃正，侍應服務態度好，回頭率高。😎🤘🏻

位於旺角通菜街，這家台灣小食外賣店以其美味的雞排和小吃而聞名。全部都係即叫即整。脆皮無骨雞排這道雞排的脆皮外層非常酥脆，咬下去的瞬間能感受到外皮的香脆與內裡多汁的肉質相互融合。原味的調味恰到好處，不會過於油膩，適合所有喜歡經典口味的食客。甜薯地瓜條這款地瓜條的口感非常特別。外皮金黃酥脆，裡面則是柔軟的地瓜。海苔味的調味料增添了鹹香的層次感，讓人一口接一口，停不下來。脆皮台灣腸外皮酥脆，裡面的肉餡鮮嫩多汁，香氣四溢。

二派克雞排店真係每次食都覺得正😊因為佢哋嘅調味粉超多口味選擇，仲可以兩溝🥰就算同一款食物，用咗唔同嘅調味粉，都會好似食緊唔一樣嘅嘢🤤今次試左新嘢-甜不辣😋感覺都好驚喜👍脆皮無骨雞塊海苔味雞塊外脆內嫩，海苔味道獨特，帶有少少鹹香，咬落去口感非常過癮，令人本停唔到口🤤脆皮杏鮑菇海苔mix梅子杏鮑菇炸得金黃酥脆，搭配海苔同梅子，味道層次豐富，既有海苔嘅香氣，又有梅子嘅酸甜，真係好開胃🤤甜不辣芝士好驚喜，外層脆得來帶有煙靭口感，外層被龍郁嘅芝士包住，食落去既口感味道都好正👍

📍      2派克雞排Two Peck🌍      通菜街1A-1L號威達商業大廈地下A號舖📝整體評分：9 ／１０呢定係台灣好出名炸雞排，所有炸物均即叫即炸，新鮮熱辣，提供8款調味粉（原味椒鹽、芝士、梅子、麻辣、芥末、辣味、咖喱、海苔）自選搭配。✿脆皮無骨雞扒•  雞扒肉質嫩滑多汁，外皮薄脆，內裡不乾柴，咬落超Juicy，肉汁鎖得好好。雞扒大塊又厚身，lunch食一塊已經飽哂～•  海苔粉及椒鹽粉海苔粉：海苔粉帶濃郁海苔香，類似卡樂B紫菜薯片風味； 椒鹽粉就比海苔覆蓋左✿炸蕃薯條（梅子粉）•  外皮保持酥脆，內裡軟糯 ，帶天然甜味，炸粉薄又乾爽，油份控制得宜。•  梅子粉酸甜開胃，帶微酸梅香，為蕃薯條增添清新風味，減低油炸食品的膩感。✿炸花枝丸（咖哩粉）•  花枝丸真材實料，內含墨魚粒，乒乓球大小，爽彈有嚼勁，無粉感。•  咖哩粉辛香突出，係撒粉不夠均勻

成日經過旺角，見到呢間雞扒店排長龍。今次收咗工嘅經過呢間店， 終於可以試到。呢間餐廳以外賣為主，見到好多打公仔放咗工都過嚟買雞扒。全部食物都係即叫即整，需時10至15分鐘，食物可配唔同味粉（紫菜/芝士/咖哩等），試完後覺得係係香港最好食嘅雞扒，等得耐都值得！😚1） 脆皮無骨雞腿排（紫菜味粉）-雞腿扒炸到金黃色，外脆內軟，雞肉炸到好juicy，好嫩滑，食落啖啖肉，無骨，必點！👍2）甜薯地瓜條（梅子粉）- 一定要配梅子粉，酸酸甜甜，好夾番薯，好解膩。地瓜條大大份，鮮甜味十足。3）脆皮台灣腸（2pc）- 唔需要揀味粉，已經調好味，炸到好香脆， 肉質爽彈，好滋味！

#脆皮無骨雞腿扒 ｜ 雖然減緊肥，但都忍唔住，終於再encore！一啖咬落「咔嚓」聲自帶ASMR💥 雞皮炸到金黃透光，入面肉汁多到滴穿紙袋！重點係無骨啊～懶人福音直接大口撕咬👏🏻 今次醒目加咗辣粉🌶️，酸酸辣辣仲有梅子香，食到舔手指！ 🍄｜#脆皮杏鮑菇 ｜ 菇菇偽裝成炸雞大成功‼️ 外層脆漿薄到透光，咬開菇肉juicy到似食緊爆汁湯包～🐙｜#脆皮花枝丸 ｜ 海鮮控必點！每粒都藏住彈牙花枝粒，脆皮有種魔法✨——凍咗都仲脆！加埋香辣粉簡直好食到犯規⋯⋯

2派克都算係我食過最高質嘅雞排🙂‍↕️落咗單之後都要等佢哋即刻炸，不過可以OpenRice 或者打電話落定單，過一陣先嚟攞🐔脆皮無骨雞排 $38 （麻辣+海苔）雞排同雞腿扒嘅分別就係用上雞胸肉，肉質都係好嫩滑，即叫即炸熱辣辣，雞排真係超級大，仲大過塊面，佢哋個雞扒係用玉米粉嚟炸，外皮更加香脆，咬開入面好多肉汁，推薦海苔粉😋🍘黃金香芋丸 $22煙靭嘅芋泥入面有蛋黃🍳好似台灣夜市食嗰啲，芋泥綿滑，芋頭控必食！🍄 脆皮杏鮑菇 $22 （海苔）杏鮑菇外皮香脆，每粒都大大粒，面頭有好多海苔粉夠晒惹味🤩

夜麻麻想食宵夜，不妨去呢間位於旺角通菜街嘅台灣小店，主打即叫即整炸雞排，另提供多款小食同素菜炸物。全部配料可以按個人喜好選擇調味粉，就算食同一款都唔怕悶，最緊要價格親民且份量十足，食完一份即刻飽曬。招牌菜為炸雞排，亦有雞腿排可以叫，外皮炸至金黃酥脆，咬落嫩滑爆汁，就算放咗段時間都OK，不過當然建議即刻食啦！另外私心推介杏鮑菇，超級Juicy，皮夠薄身，而新推產品有雞軟骨，帶咬口，越食越上癮，好邪惡好好味。

雞排界新貴🥳
旺角威達商業大廈間舖🚩近地鐵站超方便～有齊各種即叫即炸嘅台灣小食！香到爆炸！！
🤤🤤口水流到停唔到 廢話少講！開動～以下食後感幫你點餐做參考👇：✔️招牌雞扒
嚟到點可以唔試鎮店之寶！大過手掌嘅雞排！💥一啖咬落去肉汁爆出嚟～爽到震，必試！！✔️雞軟骨
即炸出爐真係香到癲啊啊啊啊！
外脆內軟！用料夠晒靚👍啖啖都係厚肉
一入口即刻眼都凸埋✔️炸金菇
呢個直頭係油炸天堂啦，乾粉脆漿炸到酥脆帶嫩，食到「吱吱」聲又唔油膩，正到拍枱呀！！難怪個個都推爆呢間。信我，嚟香港點都要安排一餐，包冇伏。記住試埋香港限定口味：梅子wasabi，係隱藏醬料，可以同店員講要㗎！

🍗無骨雞扒，味道真係冇得彈！皮脆到呢，擺咗幾個鐘都仲脆卜卜，醃得夠入味
🍗無骨雞粒，同KFC比可以話各有千秋。食到厭咗阿肯叔嘅話，呢間即叫即炸真係新鮮熱辣👍
🍗炸甜不辣，一咬落去鮮嫩多汁，甜不辣真係好正，食到飽晒都仲要清埋最後一粒
🍗四季豆，份量真係夠大！仲有咁多種味揀，邊個頂得順啊！真係愛到爆燈呀！！
🍗炸花枝丸，啱啱炸起熱辣辣，陣香味直頭香到暈！急急腳咬一啖，先係"咔嚓"聲，跟住鮮嫩嘅花枝肉係口入面開party，粒粒都咁足料，完全冇厚粉漿嘅感覺，我忍唔住一啖清晒真係款款都掂過碌蔗，合埋眼亂點都唔會中伏！

吃完晚飯也要過來吃我最愛的炸雞，每過一段時間都會想起的味道，雖然有點不健康，但一次半次不怕啦😝🤪。原本想食原塊無骨雞腿排，不過我們來晚了，當時過了8點半，已經賣完了🥲，不過店員很好，提醒原來脆皮無骨腿丁是同部位，只不過切丁炸😍。基本每款炸物都可以從8款味粉中，8選2。✴️脆皮無骨腿丁 $35（原味／香辣：小辣）滿滿一袋，口感皮脆肉嫩，吃得也方便，一口一粒，香辣惹味。✴️金菇酥 $14（海苔／芝士）第一次食炸金菇，以及只有脆，原來裏面很juicy 的，非常多汁，出奇地好食。✴️脆皮台灣腸 $24 (2pc，不能選味)台灣腸每次都點，口感香甜又結實，不裹炸漿更好食。總結，還是好好食，不吃雞腿排，雞丁都好食，下次還要來。

好耐冇食雞排，見旺角呢間雞排都唔少人系到等，叫咗脆片無骨雞排、台灣香腸同梅子地瓜條，每樣都好大份性價比真系好高，唔好睇佢細細袋，入面份量好足！.雞排好大塊，兩個女仔食一塊都得🤯我拎翻屋企食around 45mins都仲脆真系好mindblown，雞肉都唔會炸到好柴，揀咗紫菜粉唔系得咸味嗰種，都幾香，滿足～.地瓜條好似台灣食嗰啲！！每條都好足地瓜，外脆內軟又大條，梅子粉比得足，廿幾蚊我念有十幾條，淨系食呢個都飽～台灣腸一樣又粗又大條，咬落有爆汁，出色！如果有埋蒜頭就好.值得一提佢哋廚房好乾淨，出面見到入面地下完全冇水冇污糟，好癲🫨

經過間炸雞店！成間舖頭遠遠望過去已經勁吸睛🤩。食過咁多間炸雞店，我真係覺得呢間最正！🍗炸雞全部即叫即炸，最估唔到佢哋啲炸雞口味多到咁......仲有隱藏口味㗎...梅子wasabi😘✅麻辣雞髀扒、冇骨雞丁同雞軟骨，啲麻辣香氣撲鼻，金黃色睇到都流口水，咬落去啲肉嫩到呢！如果唔食得辣嘅話，可以叫店員走啲麻辣粉㗎👍✅脆皮花枝丸，一啖一粒，同麻辣味夾到絕，脆卜卜口感超正！✅炸金菇，真係大份到嚇親人！簡直係送酒必點小食呀😍。