駒記海鮮大排檔

营业中

休息中

香港既大排檔已經買少見少，但好彩仲保留到大排檔的風味。今次同朋友選擇咗去銅鑼灣鵝頸橋街市附近的「駒記海鮮大排檔」，因為時間尚早，下午6點，唔算太多人，但點完食物之後已經開始多人，好彩早到咋。現場冷氣好夠，都坐得舒服，食得滋味。香脆黃金墨魚餅 $128墨魚餅十分彈牙，仲熱辣辣，好大塊，配上甜酸汁十分惹味。椒鹽鮮魷 $148好香口，絕配喼汁，魷魚大大塊，份量都多，雖然好食，但食唔晒。咕嚕肉 $78呢個咕嚕肉冇得輸，肉冇骨易咬，雖然有甜酸汁撈勻，但外皮仍然香脆，個汁好好味，好開胃既菜。啫啫通菜煲 $78非常惹味，通菜好入味，蒜頭好香，必點。