影片
更多
2018-04-06
1350 浏览
0係香港打邊爐點會因為天氣轉暖而改變? 登龍街位於Times Square 對面, 出名多野食, 非常易搵! 今日就黎左101 grill bar + hot pot 黎個無限時既任飲任食台式火鍋!餐廳裝修靚, 環境寬闊, 坐得舒服, 好鐘意靠窗果個落地玻璃, 可以睇到街景.點菜紙好大張, 開頭唔係好知要點order, 職員好快就黎幫我地手為我地介紹. 聽完未食已經覺得會好飽, 原來都幾多野食!!!落完order 之後, 我最愛既調味九宮格又來了! 比較特別既係呢度有沙薑, 就甘食味道都唔錯, 仲可以自製邊爐沙薑雞其他食物都好快到:前菜 : 手工麻辣醬手撕雞秘製麻辣木耳前菜可以無限追加, 其他野食未到就可以食住先唔齋等.兩個前菜都唔會太辣, 唔食得辣既岩食.手撕雞偏重麻醬味, 木耳非常爽脆. 最怕D前菜係"溫室", 兩個前菜都夠凍, 抵讚!主菜:台灣麻辣雞鍋可以揀一隻至三隻辣椒, 我同朋友都好食得辣, 所以挑戰三隻辣椒. 辣度都可以接受, 唔係真係辣到放唔到入口. 如果你真食得辣既話, 唔使怕, 揀三隻辣椒啦!麻辣雞鍋好足料!!!入面我諗最少有半隻雞. 麻辣雞好入味, 雞仍然有彈口,
0係香港打邊爐點會因為天氣轉暖而改變? 登龍街位於Times Square 對面, 出名多野食, 非常易搵! 今日就黎左101 grill bar + hot pot 黎個無限時既任飲任食台式火鍋!
餐廳裝修靚, 環境寬闊, 坐得舒服, 好鐘意靠窗果個落地玻璃, 可以睇到街景.
點菜紙好大張, 開頭唔係好知要點order, 職員好快就黎幫我地手為我地介紹. 聽完未食已經覺得會好飽, 原來都幾多野食!!!
落完order 之後, 我最愛既調味九宮格又來了! 比較特別既係呢度有沙薑, 就甘食味道都唔錯, 仲可以自製邊爐沙薑雞其他食物都好快到:
前菜 :
手工麻辣醬手撕雞秘製麻辣木耳
前菜可以無限追加, 其他野食未到就可以食住先唔齋等.兩個前菜都唔會太辣, 唔食得辣既岩食.手撕雞偏重麻醬味, 木耳非常爽脆. 最怕D前菜係"溫室", 兩個前菜都夠凍, 抵讚!
主菜:
台灣麻辣雞鍋
可以揀一隻至三隻辣椒, 我同朋友都好食得辣, 所以挑戰三隻辣椒. 辣度都可以接受, 唔係真係辣到放唔到入口. 如果你真食得辣既話, 唔使怕, 揀三隻辣椒啦!
麻辣雞鍋好足料!!!
入面我諗最少有半隻雞. 麻辣雞好入味, 雞仍然有彈口,唔會煮到太淋.
入面有我最鐘意既鴨血! 台式麻辣火鍋點可以無鴨血!鴨血吸晒麻辣湯底, 好好味!!
時令海鮮拼盤
我地加左$58蚊追加呢個海鮮拼盤,
有珍寶桶蠔, 鮑魚, 大海蝦, 馬刀貝, 大蜆.全部都好新鮮, 無沙. $58蚊有齊甘多款海鮮其實都幾抵食!
肉類:
西班牙伊比利亞黑毛豬肉片
我同朋友都唔食牛既關係, 我地揀左個黑毛豬肉片. 其實好多火鍋店都有好靚既牛肉, 但就忽略左我地呢班唔食牛既火鍋友, 所以遇到好食既豬肉片火鍋店我都會好感動. 呢間就係其中一間! 豬肉片肥瘦均勻, 食落唔會太鞋, 反而仲好juicy! 可見呢隻黑毛豬肉片質素真係唔錯!
台灣夜市火鍋拼盤
其實係滷水拼盤. 有豬耳, 腎片, 大腸, 牛肚, 滷水蛋, 其他仲有鹽水雞翼, 芋圓, 水晶包等等. 台灣夜市風味回意返番黎! 溫馨提示呢個拼盤都係要烚過先可以食架!
101特選手工火鍋拼盤包括有墨魚汁鳥結糖, 冬姑, 牛丸, 三重芝士鮮製蝦丸, 黑松露蟹子海鮮軍艦, 黑松露蟹肉餃, 黑松露芝士豚肉餃, 三重芝士鮮製墨魚丸.
丸類食得出全部都係新鮮製作. 黑松露餃子軍艦都食到好香既黑松露味!
手工即炸響鈴拼手工即炸魚皮
炸響鈴好大件, 一條等於平時2條. 響鈴上到檯仲熱熱地, 新鮮製作無油溢味
炸魚皮比平時食到既厚身, 可以烚耐少少
食到呢度其實已經好飽, 但我地堅持點都要追加少少其他火鍋配料
呢牌火鍋配料都係可以無限量無料添加
鱈場蟹棒, 芝士竹輪,煙鴨胸片魚皮餃
油麥菜
脆鯇腩打邊爐無脆鯇腩點得! 超爽!
最後不得不提既係呢度既飲品, 任飲既唔係罐裝飲品, 而係由BAR TENDER 即製既各種飲品, 高級好多!
有COCKTAIL, 紅白酒, 啤酒, 沙冰, 水果茶, 台式奶茶等等, 果然 101 係一間 GRILL, BAR 同HOT POT!
所有野飲都好吸引, 我地大部份位置都用左黎飲野!
紅酒
愛文芒果水果冰茶
MOJITO 可揀有RUM酒/無RUM酒
盆栽珍珠奶茶
每檯必叫飲品! 盆栽就係加上cream, oreo 同埋薄荷葉, 影相厄like 一流!
總括黎講我覺得呢間係一間好有heat 既火鍋店. menu 有設計過, 飲品係其他任食火鍋店飲唔到, encore list 又加一間喇!
张贴
