因為我哋五點就到，職員同我哋講只要七點之前走，就可以平好多，咁就梗係食快啲啦。
一坐低，店員就俾咗呢個燉湯我哋，本身以為只係普通湯，但係估唔到非常足料，飲落完全冇味精，比以前屋企人煲嘅更加好飲呀。
首先我哋就會選擇一個雞煲，我哋揀咗花膠雞煲。雞煲非常快就上枱啦，而且非常香濃，雞肉好嫩滑，連花膠都好新鮮同埋好厚。
1
食到一半，職員已經問我哋使唔使加雞件，亦都可以轉雞煲嘅味。但係由於本身今日諗住嚟食海鮮，所以我哋就話唔使啦，職員就好好咁樣幫我哋拎咗一個新嘅火鍋湯底，俾我哋一陣食海鮮。
我自己覺得最抵讚嘅，就係呢個手切安格斯牛肉。因為食落牛尾好濃，而且完全唔難咬，就算唔使湯底，個牛肉味道同埋質感都好好食。
呢度仲會送一個好大嘅海鮮拼盤，我自己最鍾意嘅就係呢個非常大隻的膏蟹，除咗大隻之外，入面超級多高，而且食落好新鮮，望到呢度有好多新鮮嘅魚竿，估唔到咁新鮮嘅海鮮都可以任食。
1
呢度好多海鮮都可以任食，我就最推薦彈牙鮑魚，珍珠生蠔，蟶子皇。平平呢啲海鮮起碼都幾十蚊一嚿，估唔到呢度咁平嘅價錢已經可以任食。而且真係非常新鮮，住佢喺魚缸度即時撈出嚟，食落真係好彈牙同埋好大隻。
呢間海鮮火鍋真係非常抵食，而且價錢公道，最抵讚嘅就係呢度嘅職員全部都好有禮貌，真係好推薦大家嚟試吓。
