8度餐廳

朋友介紹，知道百零蚊就食到酒店high tea,就即管一試（反正再差既酒店綠茶下午茶都試過）。地點位於本人極少會去既土瓜灣，酒店職員教路，喺先達搭前往「土瓜灣」既紅Van就可以去到，都未至於很「山卡啦」。可能真係抱住「好又百零蚊，唔好都係百零蚊」既想法，當high tea set送上時，視覺感受良好，是次同一班姐妹去食下午茶，有幸「綠茶」同「芒果」兩個set都試到！以價錢來計，兩個set都性價比，個人認為「芒果」set味道較突出，尢其是酒店最拿手既「芒果拿破輪」，果然無令人失望！唯一美中不足的是，飲品方面職員無提供選擇，只奉上「芒果茶」，明明我同姐妹們「綠茶」同「芒果」set都有幫襯...總括而言，哩次「百零蚊酒店high tea」...無伏！