野川拉麵の深燒食堂

营业中

休息中

今日同朋友去完元朗行山於是就周圍搵下嘢食啦 經過又新街嘅呢間野川拉麵之深宵食堂 係日式料理嘅餐廳就入去食餐廳裝修雖然係食日本嘢 但係竟然用咗韓風去設計 非常特別刺身叫咗三文魚 甜蝦 油甘魚 帶子 全部都幾新鮮 三文魚極度肥美 而且午餐仲可以加錢追加 價錢實惠芝士年糕 流心芝士蝦丸 脆脆豆腐炸雞桶 份量勁大呀芝心漢堡扒牛角漢堡 漢堡包係用脆脆嘅牛角包做牛油味香濃 入面嘅漢堡扒仲夾住芝士 非常邪惡呀柚子芝士蛋糕 酸酸地加埋濃沃嘅芝士味一啲都唔漏 雪糕仲可以揀榴槤味 啱曬我呢類重口味人士忌廉碎朱古力咖啡沙冰 飲品勁大杯 咖啡味同朱古力味平衡得啱啱好