Dim Sum Library

营业中

休息中

想食咗呢間好耐，因為好出名，為咗食呢間特登早左一個月去book，果然令我非常之高興。首先講下裏面嘅環境，非常之有格調，感覺好高貴又舒服，私隱度亦都非常之高，店員嘅服務亦都好周到，令我未食就已經感覺非常之開心。我特別推介嘅係呢個海膽春卷，佢嘅海膽真係好新鮮，雖然我自己係分唔出佢係邊嚟到你嘅海膽，但係完全食得出佢嘅鮮味同埋香味，質素好好。將海膽放喺春卷嘅上面，原來別有一番風味，感覺好特別，中式同日色系感覺係同一個菜式都展現出嚟，實在唔簡單。另外我亦都好鍾意佢呢個黑松露鴨，松露嘅味道完全將鴨嘅味道提升左去另外一個層次，香得來唔會蓋過鴨本身嘅肉味，Balance得好好，真係好值得試一試。