安平燒肉

营业中

休息中

今次去咗安平燒肉食吓佢哋嘅全新日本A4和牛套餐，餐廳位於荃灣大鴻輝中心，裝修寬敞舒服，啱晒打卡同聚餐。套餐內容真係幾豐富，最有驚喜係檸檬牛舌，唔止上枱有沙漏，仲有店員幫手切片教你點樣燒，服務好貼心。A4和牛拼盤就包括咗肩胛位同三角牛，油花靚，肉質細緻，輕輕燒香已經好夠味。仲試咗鰻魚、巨蝦、生蠔同帆立貝等海鮮，全部都新鮮彈牙，特別鍾意黑蒜油燒巨蝦，香氣十足。迎客清雞湯都有驚喜，用蠟燭保溫上枱，味道清甜夠晒暖胃。整體嚟講食材質素高，上菜快，員工有禮又主動。今次真係食得滿意，下次會再帶朋友一齊嚟慢慢燒返餐！