安平燒肉

秋天凉凉哋，紧系约friend食烧肉聚吓啦！今次拣咗安平烧肉食日本A4+和牛🤭，餐厅环境舒适，灯光柔和配上天灯嘅灯笼，感觉超正。抽风系统强大，食完都唔会有一大阵烧肉味，I like it🤣。我哋拣咗Lv4 日本A4+和牛饕宴，成个餐牌嘅食物都可以点。入座后，职员送上安平慢熬清鸡汤，用咗个超精致嘅茶煲同小茶碗盛载，个鸡汤鸡味超浓，好好饮！除咗可以食烧肉之外，仲有个寿喜烧锅添呀！超正！啲薄片日本A4+和牛，牛味香浓，肉质嫩滑，汤底都好好味，推介呀！烧肉肉食推介：日本A4+和牛、日本A4+酱烧一口和牛丁、澳洲M8和牛肩胛、极厚切柠檬牛舌等，A4+和牛，油脂均匀，入口即溶，满满嘅和牛味！📣极力大推 ～极厚切柠檬牛舌，牛舌已预先慢煮6小时，再配以秘制酱料调味，送到台上，每边烧2分钟，烧晒4面，就食得架喇！仲有细心位，比埋个漏斗⌛️帮你计时，烧好后，职员会帮你厚切，woo…熟度啱啱好，外脆内软又弹牙，超好食😋。海鲜推介：炙烤霸王虾 (盐葱/黑蒜油)、炙烤白鳝配海苔、安平赤鱼一夜干等等……。霸王虾2种味都好特别，啲虾超大只又弹牙，我就好钟意盐葱味。炙烤白鳝非常肥美，烧到外皮脆卜卜，鱼肉又滑又有口感。除咗用QR Code落单外，仲有自助任选区，有台湾地道小吃、特色手摇饮、蔬菜、汤品、安平樱花虾拌饭、沙津、手工拌面、甜品、雪糕等等。安平樱花虾拌饭区有樱花虾、香葱、海苔、秘制的卤水汁可自行调配出独特嘅拌饭。酱料专区有超多款酱汁选择：招牌黄金酱、 姜味可乐酱、香水柠檬汁、海鲜五味酱、香辣烤肉辣椒粉、蒜味盐酱、极上酱油、沙茶酱、台湾甜辣酱、手切蒜片、安平辣椒酱、泰式海鲜酱、椒麻口水酱、柚子酱、盐葱酱、芥末，总之你谂到嘅，有，谂唔到嘅都有🤣。饮品方面，除咗汽水仲有韩式饮品、台式饮品、冷泡茶饮之外，食烧肉梗系要啤啤佢啦，日本A4+和牛饕宴或澳洲M8和牛宴包任饮Sapporo和Somersby两款酒，另外仲有安平特调嘅鸡尾酒，钟意饮鸡尾酒嘅你就唔好错过啦。如果你系食SRF极黑牛餐或安平好康之选，每张台每位+$68 都可以任饮Sapporo和Somersby。—————————————————————Lv4 日本A4+和牛饕宴星期一至四 成人$498 长者$398（19:30前离座$438 / 21:00后入座$468）星期五至日 成人$518 长者$418（19:30前离座$458 / 21:00后入座$488）另+10%服务费—————————————————————安平烧肉最新优惠早一日经INLINE订座及惠顾 Lv.3套餐 加送 [二选一] 精美食材拼盘！- 1️⃣日本A4+和牛拼盘 (包括日本A4+和牛 + 和牛一口牛丁 + 寿喜烧)- 2️⃣海鲜拼盘 (包括白鳝 + 霸王虾 + 鲍鱼)- 二人送一份、四人送两份，如此类推。…查看更多

最近同朋友去左荃湾一间烧肉店食放题😝今次食日本A4+和牛飨宴🙂‍↕️店舖提供高CP值的肉类和海鲜～享受更高品质的美食🤤此外特别注重顾客的用餐体验。「极．厚切柠檬牛舌」会配备刀叉和沙漏，增添仪式感😜日本A4+和牛：每片和牛经手工精修，运用薄切技术保留最佳口感～手工安格斯牛小排：事前以人手修整脂肪和筋膜，保留肉质的原汁原味。极厚切柠檬牛舌：招牌菜式，每条牛舌经过六小时的慢煮，口感极佳。安平赤鱼一夜干：选用新鲜赤鱼，经盐腌制并风干一夜，保留鱼肉的细嫩多汁。炙烤霸王虾 (盐葱·黑蒜油)：安平大厨特制腌料，慢熬黑蒜橄榄油、台湾传统清香盐葱，风味独特。炙烤白鳝配海苔：精选高品质白鳝，经人手清理，确保肉质洁净细嫩。安平慢熬清鸡汤：选用新鲜鸡与各种高质食材，慢火熬煮三小时，汤头鲜美😝🌸 安平樱花虾饭此款饭品搭配樱花虾、香葱、海苔及秘制卤水汁，配料分量可依个人口味自由调整，让每位顾客都能调配出独一无二的拌饭🤪🥣 十二味酱专区～提供多款酱汁，让您细味台烧的酱汁情怀😂- 重点推荐：招牌黄金酱、姜味可乐酱、香水柠檬汁、海鲜五味酱、香辣烤肉辣椒粉- 其他酱汁：蒜味盐酱、极上酱油、沙茶酱、台湾甜辣酱、手切蒜片、安平辣椒酱、泰式海鲜酱、椒麻口水酱、柚子酱、盐葱酱、芥末😑…查看更多

平时想食任食烧肉都会谂起安平烧肉，估唔到佢呢期upgrade咗咁多😍😍 由食材到烧肉方式都全方位提升，简直有「职人级」烧肉体验😃 🌟日本A4+和牛飨宴 今次拣呢个最高级别嘅餐，真系觉得物超所值🫶🏻 🥩日本A4+和牛超高质，每片经手工精修，搭配薄切技术，口感劲正，入口即溶，和牛独特嘅油脂香瞬间口中大爆发，encore咗好多次😂 仲有和牛寿喜烧，肉质入口即溶，同日本蛋一齐食，简直系高级享受🥰🫖安平慢熬清鸡汤，估唔到食烧肉都有鸡汤饮😆 慢煮鸡汤香甜浓郁，好好味😌🥩手工安格斯牛小排又系正，雪花好均匀，非常有口感，而且牛味浓郁🫶🏻🥩极厚切柠檬牛舌一定要食呀😃 真心有惊喜，听闻每条牛舌都经过六小时慢煮👍 仲会提供牛舌板，刀叉同沙漏计时，好有仪式感😃 每边烧2分钟啱啱好，keep到软嫩质感，实在太好食😬 🦐炙烤霸王虾(盐葱·黑蒜油）大虾质素好高，非常新鲜，烧完之后肉质爽口弹牙，配搭特制腌料，记得食多几只😃🐟安平赤鱼一夜干选用新鲜赤鱼，非常抌本，难怪鱼肉细嫩又多汁👍🐟炙烤白鳝配海苔又系必食，白鳝肉厚，烧完之后皮脆肉嫩🫶🏻🍚安平樱花虾饭呢个系安平嘅招牌必食菜式，每次我都会整一大兜㗎😂 最钟意配搭劲多樱花虾紫菜同埋蒜片，再捞埋秘制酱汁，配烧肉一齐食，好邪恶啊😆😆🧉十二味酱专区呢度连酱料都劲多选择，我最钟意招牌黄金酱同埋蒜片盐酱，配搭任何食物都好好食🤤仲有好多创新嘅酱料，例如姜味可乐酱、香水柠檬汁、海鲜五味酱、香辣烤肉辣椒粉等等👍其实除咗以上餐点之外，仲有劲多款烧烤嘢食同埋台式小食。今次嘅新餐牌真系upgrade咗好多，我觉得呢个价钱可以任食咁高质嘅肉类同海鲜，真系好佛心😌 真心推介俾大家🫶🏻…查看更多

📍 安平烧肉 (荃湾)夜晚黎到荃湾大鸿辉的《安平烧肉》,试下佢地嘅全新日本A4+和牛饕宴。一坐低店员已经拎迎客清鸡汤俾我哋，可以清清唇舌，清鸡汤饮落清甜舒服，非常窝心。 ୨୧ ┈┈┈┈┈┈┈┈┈┈┈┈┈┈┈┈┈┈୨୧🏮大大力推和牛牛肩胛、和牛三角牛肩肉🥰两款的优质和牛大理石花纹、口感细腻浓郁。🏮最爱必点之选「安平 极. 牛舌芯」，香港都可以食日本嘅柠檬牛舌！原条牛舌上再配有沙漏，仪式感满满，成条牛舌最嫩滑在于6成熟，粉嫩质感弹牙又唔怕韧，拍得住系日本食嘅柠檬牛舌，店员仲会亲自帮你切。还有「薄切牛舌片」，满足不同口感。୨୧ ┈┈┈┈┈┈┈┈┈┈┈┈┈┈┈┈┈┈୨୧🏮除咗烧肉之外，仲有得食日本寿喜烧！分量十足嘅日本牛肩胛肉眼，一碟有三大片，肉质柔嫩，油花丰富，寿喜烧汁拥有独特的甜咸味，完全系日本嘅质素！୨୧ ┈┈┈┈┈┈┈┈┈┈┈┈┈┈┈┈┈┈୨୧🏮另外仲有新鲜嘅鳗鱼，油脂比例刚好，配埋特制酱汁，烧到外脆外软，神还完炭烤鳗鱼。🏮海鲜方面有爽滑虎虾、烤帆立贝及生蚝，带上牛油一起 烤，香气满满 。严选柠檬一夜干，煎完油香满满，肥美多汁，较少烧肉店会加入任食餐牌咁重本。🏮另外蒜烧生蚝都好肥美饱满的，铺满蒜味盐酱，大大啖食好满足，威士忌鲍鱼原只烧：配上安平特制的威士忌酱烤制的鲍鱼，带有微微的甜味和烟熏感，少少酒味几特别🏮仲有两款特色开边虾，盐葱烧巨虾 : 阵阵葱香味，肉质弹牙。黑蒜油烧巨虾：特制的黑蒜油，味道浓郁，虾酱同黑蒜头完美融合，可以ENCORE。୨୧ ┈┈┈┈┈┈┈┈┈┈┈┈┈┈┈┈┈┈୨୧🏮呢度自助任选区仲有超过30-40款美食、饮品、蔬菜、汤品 同饭类可以任拣。系自助吧枱拣番几款台湾小食先,「安平炸蚵卷」外脆内软, 入面有肉汁又唔会干「香脆盐酥鸡」啖啖肉，仲有芥末酱。「炸虾饼」 入面有一只原整的虾。୨୧ ┈┈┈┈┈┈┈┈┈┈┈┈┈┈┈┈┈┈୨୧🏮食完烧肉仲可以食埋Häagen-Dazs雪糕，竟然有tiramisu味，超好食！！仲有芝士布丁，半熟朱古力，牛奶布丁，马卡龙等等，总有一款啱你。୨୧ ┈┈┈┈┈┈┈┈┈┈┈┈┈┈┈┈┈┈୨୧🏮呢度嘅十二味酱汁选择多到爆，可以慢慢试，每款酱汁配唔同食材，味道升华，仲要月亮蝶可以围住个炉劲方便。而我最钟意就喺「招牌黄金酱」，新鲜蔬菜汁配上台湾麻酱，味道清新，仲有蔬菜嘅甜味。经典台式酱汁五味酱也不错，酸甜可口，层次分明。**需另收加一服务费**୨୧ ┈┈┈┈┈┈┈┈┈┈┈┈┈┈┈┈┈┈୨୧…查看更多

今次试佢哋新出嘅「A4+和牛吃到饱套餐」，坦白讲有惊喜！唔止牛有质素，连鸡肉、海鲜同蔬菜都交足功课，食完成身冇油烟味加分～ 🐮 和牛控重点扫- A4+和牛：牛肩胛同三角位雪花靓，烤到微焦入口即溶，牛油香爆灯✨ - 寿喜烧和牛肩胛：薄切浸甜酱汁＋蛋液，滑到唔使咬！ - 一口和牛丁：骰仔size啱啱好，酱烧入味超Juicy～ 🍋 仪式感之选 - 原条柠檬牛舌：捧成条牛舌上枱+沙漏⏳+压柠檬汁器，一定会烤得啱啱好，烤完挤柠汁超解腻！ - 鸡汤：用茶壶装住热住上，清甜浓郁又暖胃，仲可以任加。 🦐 海鲜类狂推- 炭烧鳗鱼：皮脆肉糯，鱼油甘香唔腥 - 双虾阵*：盐葱鲜甜 vs 黑蒜浓郁，虾肉弹牙唔霉 - 威士忌鲍鱼：酒香吊鲜，爽口唔韧，好新鲜- 蒜烧生蚝：肥嘟嘟一咬爆汁，蒜香唔抢鲜 💡 真心私藏推介1. 鸡髀肉/鸡颈肉： 以为配角？错！鸡髀肉烤到金黄脆皮，肉嫩到滴汁，仲要超级滑💦 鸡颈位爽脆有嚼劲，简单撒盐已经赢晒！ 2. 炒西兰花： 西兰花软淋又入味，Encore无限次～ 🍨 完美Ending- Haagen-Dazs双莓马卡龙雪糕： 红莓+士多啤梨配合重奶味竟然甜而不酸，夹住脆皮马卡龙，奶滑得嚟唔腻，食完浓味烧肉嚟两杯，爽过饮凉茶！ ✅ 其他抵赞- 壶渍牛肋：腌得入味，咬落爆肉汁 - 柠檬一夜干：新鲜嫩滑鱼肉，鱼油香配柠檬清新+海盐吊味，罕见烧物 - 帆立贝：烟肉包住，鲜甜唔鞋口 - 上菜快+换网密：店员主动换网，有笑容唔黑面 📌 小总结$500（最平$398）楼下食到A4和牛+高质海鲜算系交足货，最正系连 鸡肉、西兰花 呢啲「二线菜」都做得用心，个人会为咗鸡肉而再黎Haagen-Dazs双莓雪糕 更加系神来之笔～ 荃湾友想豪食烧肉可以冲，记住留肚食菜同雪糕！ …查看更多