軒尼詩冰廳 (柯布連道)

营业中

休息中

喺會展附近做嘢，晏晝周圍都好多打工仔四處覓食。為免同人迫，已經12:00走出嚟😎😎點知都係咁多人😆😆依間餐廳有上下層，喺門口見佢個是日餐牌都幾吸引，有焗飯！一於試試！除咗是日午餐之外，佢哋嘅餐牌仲有其他選擇，歐洲pasta系列，咖喱，同埋一啲港式粉面。焗什椒汁牛扒飯因為我見餐牌上面冇依個選擇，係是日午餐先有，機會難逢，梗係唔可以錯過啦😆😆依個焗飯，絕無欺場，個汁非常香，非常惹味，除咗黑椒之外，仲有三色椒！牛扒亦都有驚喜，兩大塊，唔會太薄，而且肉質真係牛扒感覺，而唔係俾粉醃製到林晒👍🏼因為個汁真係好正，仲要有少少芝士，超好餸飯，如果個炒飯底可以多少少，就更加理想😎😎例湯：霸王花，都幾清甜，唔錯唔錯。