軒尼詩冰廳 (柯布連道)

平日下午茶时段到店打算外卖半打蛋挞，当时几个普通话人正在门口讨论它的面包，由于我赶时间加上目标明确，一支箭叫佢哋借借就入去同个男店员讲要半打蛋挞。当男店员攞出纸盒正当想夹蛋挞之际，普通话人就话想要一个乜乜面包，男店员就立即夹一个面包放入胶袋。🔥🔥🔥我问个男店员明明我入店先，企喺个普通话人前边，点解佢要serve个普通话人先？个男店员冇答⋯⋯当时另一个声大大嘅男店员（看似高级啲）行出嚟问乜事、点解咁劳气，极度冇礼貌，全程两个人一句「唔好意思」都冇讲。作为香港人会唔会入去帮衬？自己衡量！…查看更多

这一间也是有点惊喜，话说有时人总要试试新的道路，在不同的街道上会遇上不同的人，其实餐厅都一样。个招牌那时是看不到，外面道路像是在修理中，那看到还在营业那就去试试，比较是少见的左右迥然不同的店面，中间是大厦建筑物的楼梯，让楼上的人出街，所以门口在店的左手边。进入后都是位置随便坐，店员说里面（右边）还有位置，近门口的位置基本上都是满了，下一次去时也是这样，刚好没有人，坐在卡位不久就是吸人体质，又开始多人了！点了港人起身的事情（沙爹牛肉面）来试试此店的水平，沙爹酱是醇香类，能吃到肉香和沙爹香，都比较嫩嫉的口感，是不错，面是喜欢的硬身，就是份量不算多。反而是配备的小食，除了常见的炒蛋外，餐包居然是波罗包，小小一个大小，吃起来有点特别，还不用加钱，算是一大的特色之一。店名：轩尼诗冰室。地址：湾仔天桥附近。费用：中位。…查看更多

第一次见服务咁差嘅餐厅，手机落嘅外卖，见已经显示可取餐，门口又摆住两个外卖，但冇人叫number，我咪入去睇。自助式了，都仲要俾𠮶阿婶闹。唔系你㗎！唔系你㗎！未到你啊！劲恶死，好大声，仲要啤住我。湾仔唔系得你呢间餐厅𠮶咯！ 我又冇整乱，定系惊我偷？😅 后尾有个男仔出来沟通，做和事佬，但佢知道我个餐已经显示可取，佢地又得闲，都唔帮我攞出来。咁我系平台选择退款，佢地仲拒绝退款，真系第一次见咁衰嘅服务态度。后尾，我再入去同个男仔话要退款，佢开头都话ok 个餐请我食，阵间退。但佢地已经系平台拒绝左退款，我话个饭唔要了，只要退款。个男仔话Ok，但退款要行平台，然后直接系我面前揼咗落垃圾桶。…查看更多

菠萝油用微博炉叮的。咖喱牛肉好多生粉系个汁里面，牛肉有野「哪」过，薯仔系淋嘅，得个饭OK。但态度好好，上至门口，下至waitress , 都好nice, 有礼貌。值得赞！…查看更多

【湾仔区】【轩尼诗冰厅】呢排都要去湾仔做吓嘢，𠮶边啲同事话呢间嘢几好，仲成日叫佢哋啲外卖。我都食过一次佢哋叫嘅面包，系唔错㖞。咁我作为一个 foodie，都要亲自去拜会吓佢哋至得嘅。我下昼过去，有得食佢哋嘅「滋味下午茶餐」，啱晒我，因为方便我一嘢食两个餐。本身想食瑞士鸡髀，点知佢冇，无奈地叫咗 $51 嘅「香炸大鸡髀」，拣咗配炸薯条。可能我已经远离咗热衷食炸鸡髀嘅年龄，所以觉得都系一般，炸薯条唔多，系曲薯条，不过好似炸起咗一阵咁，唔算好热。餐饮我饮「热奶茶」，正常茶记水准，不过不失。跟住叫多份 $48 嘅「金砖花生西多士」，佢系切好咗四件嘅花生酱西多士，味道又唔错㖞，果然面包类先系强项。又系配炸薯条，今次就系热辣辣炸起嘅，好食好多，似样。呢份嘅餐饮就拣「鸯走」，可能偏细杯，冇乜感觉。埋单 $99，两份下午茶算系咁。。。（地址：湾仔柯布连道6A及6B号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #湾仔 #会展 #轩尼诗冰厅 #滋味下午茶餐 #香炸大鸡髀 #炸薯条 #热奶茶 #金砖花生西多士 #鸯走 #1am1718 #1ambackup…查看更多