富園冰室

营业中

休息中

話說七月十四嗰晚去咗馬鞍山行夜山👻，出發前喺 We Go Mall 入面嘅富園冰室食咗個下午茶。對呢間店印象最深刻嘅係地方乾淨企理又寬敞，呢度有分加👏，另外就係牆邊放咗好多書，當中竟然有儒林外史😲，喺街坊茶記見到呢類書，有一刻以為自己去咗文青 cafe😂。天氣又熱，又唔想食咁飽驚獲利回吐，於是叫咗個法式焗吞拿魚多士配沙律。呢個餐嘅沙律份量比想像中多，正合我心意，除咗罐頭雜果，仲有薯仔同紅腰豆等等，都算豐富；多士有三塊，上面鋪滿吞拿魚，烘得幾香脆，唔錯，食完唔會飽到撐住個肚，啱啱好👍。