影片
以上资料只供参考，请与餐厅确认详情
食家推介
屋企人去宂街，费事要佢哋煮就去附近食晚饭，呢间好耐冇食，就过嚟回味下。叫咗个二人餐，里面包两个小菜，top up多一个小菜都够三个人食。个例水都几好饮，最紧要系饮完之后会口干。芦笋炒带子，都尚算中规中矩。铁板黑椒牛柳，呢个性价比相当高，大大块有厚肉，肉质无嗱得好犀利㗎感觉。个癣虽然唔系好多。啲白鳝我哋就中咗尾𠮶段，但系呢个价钱都系冇投诉，加上佢啲肉质冇泥味其实已经好好。食小菜食到咁上下有少少唔够喉，心啰啰挛想食牛腩河，点知冇河粉，剩系得粗面，都照叫。个面底好多，牛腩都好慷慨又大件又厚又腍，同埋个精粹就系个辣椒油啲辣椒籽辣得超过瘾，呢餐相当满足。
继续阅读
此店属马鞍山区内评分数量较多而且高分茶餐厅/冰室，适逢假日，同朋友一齐去试。星期日茶餐时段，见入座率长期保持8成满以上，可见餐厅受附近屋苑客欢迎。服务上属正常一间茶记，唔好期望员工会有任何特别礼貌的招呼同反应就可以了。环境方面有心机做布置坐得舒服。餐牌选择款式多，粉面、厨房、水吧一应俱全。食物方面所叫的食物卖相都系精神饱满 ---干炒牛河 - 味道正常略欠镬气，属中规中矩。焗猪扒饭 - 酱汁芝士味道醒胃，但饭实在太过湿软唔香口，有少少扣分。猪扒够淋，但一条大骨霸占了大约三分一的篇幅，失分位。花生酱西多 - 正常发挥，够大份够饱满，味道没有什么特别。奶茶、鸳鸯 - 奶茶较优胜，奶茶味够；鸳鸯带有酸味。茶餐收费显得性价比高，住附近确实收货，特登嚟就未必了。
继续阅读
香港传统嘅茶餐厅愈来愈少，反而开咗好多冰室。唔知大家会唔会食茶餐厅嘅辣椒酱呢？如果有嘅话，应该会发现好多茶餐厅为左节省成本都唔再放一大樽出嚟，而系转咗用细包装。今日我去咗马鞍山嘅富园冰室食早餐，就食到最好食既嘅港式茶餐厅辣椒酱。第一次去一间茶餐厅食早餐，我都一定会先食佢嘅沙嗲牛肉面，呢样每间茶记都有嘅嘢食。而最特别嘅系，唔知点解，茶餐厅入面嘅沙嗲牛肉面都系B餐，我食过好多间都系咁。沙嗲牛肉面几好食，牛肉嘅沙嗲味够浓，汤底加入左花生酱同花生碎，另外个餐仲配牛角包；而呢个餐嘅精华系辣椒酱。佢仲系保持住传统茶餐厅一大樽俾人任落。每一间茶餐厅嘅辣椒酱就好似韩国餐厅嘅泡菜一样，味道间间都唔同，因为每间都有自家制嘅秘方。呢间餐厅嘅辣椒酱加入咗蒜蓉，而且辣度适中，加埋落碗面真系好好食，大家可以一试。另外，扒餐都好大碟，沙律有加麻酱，吉列鱼柳既千岛酱系水准之上。不过，我仍然推介返沙嗲牛肉面，真系一绝！
继续阅读
呢间茶餐厅位置比较偏僻，喺恒安地铁站要行至少七至八分钟先去到，不过佢嘅早餐的确几好食，行远啲都值得。其实佢位处嘅商场开咗几年，里面啲餐厅不断咁转，佢系少数其中一间由商场开张做到依家，都证明都有唔少捧场客。每次嚟都会叫秘制回锅肉米粉，佢啲回锅肉系自家制，有少少麻而唔算太辣，啲猪肉肥瘦相间，炒得够惹味。另外叫咗个鲜茄罗宋汤通粉，汤底应该煲咗一段时间，好浓郁入味。跟餐配嘅牛角包有温度又够脆，相比一般茶餐厅冻冰冰嘅餐包高几皮👍
继续阅读
今午叫了外卖午餐，干炒海鲜乌冬加例汤，要约 60元。例汤可以，但主菜却大失所望，整盒乌冬很满，但主要是乌冬及葱，海鲜不有细虾毛，半吋长都无的尤鱼，以及一些蛋丝及5 mm都无的蚬肉，又小又少，整盒有大约 95%+是乌冬，而啲乌冬又粉又有酸味，食水太深，卖相差，又要只用现金，又要自取外卖，服务太差，难怪生意越做越差！
继续阅读
您可能会有兴趣的...