穴蔵

营业中

休息中

同同事喺九龍塘開完會揾個地方食個正lunch, 同事介紹去又一城呢間日本餐，咁就去試咗。同事食刺生set我就食天婦羅蕎麥麵配壽司餐。食物嚟到賣相都ok，有啲擺盤嘅，但談不上精緻。天婦羅炸漿較厚，但温度夠，食落熱辣辣，隻炸蝦都算彈牙，其他蔬菜都鮮甜，蕎麥麵食落順滑，湯底唔會過咸，反而主角刺生就麻麻哋，魚味比較淡口，但好彩都叫做新鮮同有彈性。試咗同事嘅刺生set個魷魚，入面包住啲海膽，海膽好腥，味道麻麻哋。服務都可以，上菜快，會自動自覺加茶，侍應都好敏感客人需要。整體而言性價比唔高，呢個價錢可以有更好選擇。