豊勝手丼 (已結業)

今日係銅鑼灣收工,所以就約咗朋友係果頭食飯,見到呢間豊勝手丼係食刺身飯,朋友話有興趣想食下,咁我地就決定入去食啦!見到佢有好多款丼飯食,每款百幾蚊去到2百幾蚊不等。每一款都花多眼亂唔知揀咩好,睇睇下發現後面原來可以自己揀,於是我地就決定自己揀鍾意的魚生飯喇!我見每款魚生都係$3X-6X其實都算合理,最緊要係D魚生新鮮同埋肥美!我揀咗三文魚腩、真鯛、金目鯛同埋來自韓國的紫海膽。其實我揀既魚生都係中等價,比較貴係韓國海膽,但係有成一整板海膽,基於我真係好想食海膽,所以我就叫咗呢板$148蚊的海膽。加咗$25 變做SET,有個前菜、沙律同埋味僧湯一上台,見到沙律都好有心思,因為有燒三文魚肉碎、加埋菜好豐富!味僧湯仲有蜆肉呀好甜講下個飯都真係好震撼!成板海膽,食落味道好鮮甜同埋好多肉,食得出好新鮮,韓國海膽原來咁好食。三文魚腩好肥美,食落油膩味好香,而且切得好厚!真鯛SIZE當然係無咁大塊,但係食落都好觧甜,鍾意真鯛魚味清甜。金目鯛又係我至愛,非常之香甜,又係食落啖啖肉正呀!我決定平時放工都可以過黎食晚餐,因為我見到都好多OFFICE人放工過來食個一人晚餐,正正~