The Chinese Library

营业中

休息中

餐廳環境一流 完美展現中西合璧🍽🥢🥂餐廳屬於偏高價位fusion食府，定位有點似Dim Sun Library，好適合外國人來初嘗中國點心。餐牌全部都有中英文，配以中西式充滿藝術感的餐具，喺大館依個古典式法定建築入面飲茶，真係另有一番風味。份量不多 點心精緻🥟食物方面其實都好有驚喜。由於係buffet關係所以所有食物份量都唔會太多，喺點心紙上面寫”1”嘅話佢係會比一人份量（如果燒賣蝦餃嘅話大概係兩粒）。份量唔多而且點心好精緻，適合胃口少但係又想嘗試唔同菜式嘅人。點心以fusion為主 賣相一百分💯點心味道其實同一般酒樓都幾唔同，如果懷着一個同外國人介紹本地美食嘅心黎，咁可能就要諗諗！點心雖然同傳統嘅味道不同，但真係好有驚喜，創意嘅做法恰到好處，唔會令人覺得有畫蛇添足嘅感覺。唯一缺點就係點心放題款式不多，但我好欣賞餐廳提供嘅所有食物都有用心烹調過，冇一款係揸流攤。平時食放題總會有一兩樣嘢食覺得做得特別差，但係呢間餐廳就冇一樣食物可以挑剔。