漢發麵家 (大南街)

营业中

休息中

適逢假期，聽聞大南街開左好多特色小店，一於去一探究竟🥰。而早午餐就揀左深水埗出名既漢發麵家，位於深水埗大南街，係深水埗地鐵站A2出口步行約7分鐘。一黎到，都有幾個人排隊了。一直期待好耐既豬潤米粉，今日終於可以試到啦，有7、8塊豬潤，塊塊都係厚切，係我食過咁多豬潤麵中最高質，一啲都唔腥，肉質鮮美多汁，加上米粉勁吸味，加埋湯一齊飲，超惹味！另外，朋友點左豬扒雙蛋炒飯，不過不失啦，但係為左豬潤米粉，一定會再幫襯！