豊勝手丼 (已結業)

喺銅鑼灣買完禮物，順便食個晚餐先返屋企，一個人冇咩選擇，諗起之前食過呢間丼飯，就決定去再試試佢。搬咗新舖後都冇嚟過，款式好似多咗又豪華咗。嗌咗柚子檸檬酒，酸酸甜甜最開胃。嗌咗海之幸丼，有油甘魚、比目魚邊、吞拿魚腩、松葉蟹鉗、赤蝦、日本海膽，三文魚子，非常豐富。油甘魚肉質細膩，吞拿魚腩肥美，入口即化，比目魚邊油脂四溢，配飯一流。松葉蟹鉗清甜，加上容易食用，唔會好難剝。赤蝦肉質黏稠，海膽味濃，整體食材高水準，飯量適中。聖誕優惠有八折優惠，非常抵食。