影片
更多
2023-03-07
57 浏览
講起CP值較為相宜嘅私房菜我第一個諗到嘅就係「榮哥廚房私房菜」，價錢合理，食物質素高，份量亦頗多；當然唯一不足就係處於觀塘工廠大廈，平時請客食飯未必太適合，但與家人、朋友、同事聚餐，最緊要都係「好食」！咁多獎（雖然無特別睇係咩），但氣勢黎講，的確有。菜單預早已訂好，會為你打印埋名稱，另外唔會Show價錢出黎比同桌食客見到。茶燻流心蛋伴黑魚子醬配厚切茄子、雙色墨魚仔、本地水耕沙律菜伴芝麻醬: 流心蛋散發煙燻香，蛋香亦豐富，厚切茄子配黑魚子醬，另有唔少芫荽碎係醬汁，提鮮不少，醬汁有少少似照燒汁但味道更惹味；雙色墨魚仔一辣一唔辣，質感爽滑，夠鮮味。原盅燉哈蜜瓜螺頭黑毛豚肉湯: 由於加左哈蜜瓜燉，所以屬於甜湯，可見有唔少豚肉，仲有一隻螺頭，燉湯足料，濃縮成一盅湯，味道當然鮮甜。蝦球水芺蓉: 蝦球夠厚肉，爽嫩以及鮮甜。其水芺蓉蛋非常香滑。遠年新會陳皮黑豚肉排骨: 配搭幾特別，黑豚排骨酥香，夠乾身唔油膩，灑上適量嘅新會陳皮粉粒仍是精華所在，鮮香美味，陳皮味香。黑松露醬炒花尾躉斑球配鮮露荀: 花尾躉斑球新鮮，肉質細嫩，散發陣陣松露香，鮮露荀亦幾爽嫩。荷香蟲草花牛肝菌蒸沙欄雞: 雞肉鮮嫩多汁，連荷葉蒸
咁多獎（雖然無特別睇係咩），但氣勢黎講，的確有。
菜單預早已訂好，會為你打印埋名稱，另外唔會Show價錢出黎比同桌食客見到。
茶燻流心蛋伴黑魚子醬配厚切茄子、雙色墨魚仔、本地水耕沙律菜伴芝麻醬: 流心蛋散發煙燻香，蛋香亦豐富，厚切茄子配黑魚子醬，另有唔少芫荽碎係醬汁，提鮮不少，醬汁有少少似照燒汁但味道更惹味；雙色墨魚仔一辣一唔辣，質感爽滑，夠鮮味。
原盅燉哈蜜瓜螺頭黑毛豚肉湯: 由於加左哈蜜瓜燉，所以屬於甜湯，可見有唔少豚肉，仲有一隻螺頭，燉湯足料，濃縮成一盅湯，味道當然鮮甜。
蝦球水芺蓉: 蝦球夠厚肉，爽嫩以及鮮甜。其水芺蓉蛋非常香滑。
遠年新會陳皮黑豚肉排骨: 配搭幾特別，黑豚排骨酥香，夠乾身唔油膩，灑上適量嘅新會陳皮粉粒仍是精華所在，鮮香美味，陳皮味香。
黑松露醬炒花尾躉斑球配鮮露荀: 花尾躉斑球新鮮，肉質細嫩，散發陣陣松露香，鮮露荀亦幾爽嫩。
荷香蟲草花牛肝菌蒸沙欄雞: 雞肉鮮嫩多汁，連荷葉蒸除左有荷葉嘅香氣，雞汁仍保留在荷葉上，香而不膩，雞帶微微酒香，幾好食。
魚湯有機時令鮮蔬 及 他鄉炒米絲 (24個月西班牙黑毛豬火腿配福建莆田米粉): 雖然食到最後已經幾飽，但由於呢個炒米粉都幾好食，每人都食左兩碗，莆口米粉幼細如絲，爽身完全唔黏油，調味得宜，唔會太rich，但又加左西班牙黑毛豬，其咸香亦為米粉提鮮不少。
福元湯圓: 餐廳居然採用北角有名嘅福元湯圓，煙韌軟糯唔黏牙，黑芝麻香而不澀，平時經過北角都會食返碗。
张贴
