Espresso Alchemy

营业中

休息中

大好的假日，我總係喜歡去我喜愛的Espresso Alchemy嘆豐富的 All day breakfast 😋。每次來到荃灣店都比佢落地玻璃吸引，因為玻璃窗直接有陽光照射🌞，令人好有朝氣。我好享受座係到嘆我豐富的 All day Breakfast 。因有入口嫩滑的炒蛋，脆口夠乾身的煙肉，香草味牛油味爆香的什菇， 鮮甜烤過的車厘茄，最愛的烤薯仔， 牛油味香濃酥脆的牛角包， 最特別係呢到會有哈密瓜，其實食完咁full 的早餐最後食返件甜絲絲的哈密瓜真係好嘆。朋友亦好識選擇叫左份檸檬汁烤雞煙肉意大利三文治， 三文治夾得好脆口內裡的烤雞煙肉份量好多亦沾滿芝士， 咬落去口感超豐富。我仲叫左我最愛的牛奶朱古力，有追開post的 就會知我來親必點， 一來拉花靚，二來朱古力入口那份香濃幼滑感。最後亦叫左份呢到出名的甜品，咖啡白朱古力西多士， 佢唔係出面炸的西多士，佢係焗到好香脆，中間就搽上咖啡醬和白朱古力醬，食落冇咁熱氣，咖啡味唔會過重亦帶點朱古力的甜。