是日要去荃湾买野，想顺便系附近揾个地方叹下咖啡relax 下，上网揾到呢间位于如心广场嘅Espresso Alchemy。餐厅面积唔大，不过最吸引我之处就系有一大块落地玻璃，可以望到出面嘅风景，假日时一边享受咖啡，一边望下出面嘅风景，真系非常写意。餐牌上选择都好多，沙律、意粉、三文治、饮品、甜品咩都有，适合唔同口味嘅人仕。厚切意大利烟肉配卡邦尼意粉：烟肉嘅油香绝对系卡邦尼意粉重要部分之一，呢度嘅烟肉系厚切条状，煎过后带咸香味，劲有口感，酱汁方面亦非常creamy，口感绵密，带香浓嘅蛋香味，配合埋al dente 嘅意粉，非常挂汁，令人一啖一啖咁食过不停。柠檬汁烤鸡烟肉意大利三文治：Panini 系意大利面包嘅一种，烘过后外脆内软，带点烟韧，中间夹住烟肉以及加入柠檬汁烹调过嘅烤鸡，烟韧嘅面包配上嫩滑嘅鸡肉，食落味道同口感都非常夹。法式西多士配自家制杂莓酱：西多士煎至金黄色，口感外脆内软，唔会太甜，伴碟仲有自家制杂莓酱，每啖西多士都沾一下杂莓酱，味蕾嘅冲击带来意想不到嘅满足感。Cappuccino：热咖啡有两个size，两杯细嘅又饮唔晒，所以叫做一杯大嘅share。Cappuccino 拉花好靓，味道偏nutty，口感creamy，一边享受brunch一边叹咖啡，真系非常写意。…查看更多
