築地日本料理 (金百利廣場)

营业中

休息中

銅鑼灣好多美食㗎，地鐵交通又好方便到達金百利廣場，成棟都係美食天堂，朋友介召 “築地日本料理”這間日本料理價錢不算貴，地方舒適，侍應生有禮貌，大部分都係卡位，二人選擇都算一個好享受嘅地方。精選晚市二人前~冰梅蕃茄沙律~份量豐富，有一粒冰梅，入口蕃茄酸酸甜甜好開胃呀，好特別口味。👍串燒拼盤~雞翼係開邊，方便進食，有兩塊大片新鮮菠蘿，好多水啊！仲有串雞柳，肉好嫩滑。板燒香蒜牛舌~份量都幾多，牛舌好淋，薄薄一片好香香蒜味，洋蔥都好淋好入味，推介👍黑蒜油豬軟骨拉麵~好耐冇食豬軟骨拉麵，好濃鬱油香味道不算鹹，豬軟骨好淋好軟滑，拉麵好幼滑。👍叉燒拉麵~有半隻流心蛋加三塊圓叉燒，叉燒都幾大塊和好淋，湯好好味呀，好濃鬱。👍甜品~柚子蛋糕和Terimisu晚餐好豐富已經好飽了，所以甜品細小件就啱啱好喇，柚子蛋糕好開胃好味。飲品~凍綠茶拿鐵和凍焙茶拿鐵兩款茶味都濃鬱，入口香滑。