影片
更多
2025-04-05
1388 浏览
早前試過最新開業的合和酒店中菜廳，今次同太太及相熟朋友又去了 Lobby Cafe。Lobby Cafe 並沒有正式的自助餐，晚上反而提供了半自助餐。晚上的Semi-Buffet CP值相當高，基本用餐只不過每位$318，就帶大家睇睇陣容吧！沙律吧DIY沙律有紅葉菜、九芽菜、 甘筍絲、羽衣甘藍、紅羽衣甘藍、車厘茄、綠珊瑚生菜、燒蘑菇及雜菜，仲有不同的醬料供大家自行調配自己的口味。蟹肉沙律是最受歡迎的菜色之一，蟹肉甜美而蔬菜新鮮，口感清新。另一道雞絲柚子沙律就好啱我口味，因為有柚子的芳香及微酸，真的好開胃。另外仲有泰式燒牛肉沙律及泰式鳳爪。頭盤自家醃製的紅菜頭醃三文魚及柚子三文魚配青蘋果香醋汁，油香滿滿，粉嫩的質感，倒也吃了不少。大路一點的有巴馬火腿、莎樂美腸以及雜錦芝士。雜錦壽司如果不想加錢點主菜，放心，一樣有澱粉質，壽司有八爪魚、熟蝦、三文魚及鰻魚等。另一邊有醃製蝦花生、漬車厘茄、燒彩椒及意大利青瓜，個人覺得漬車厘茄酸酸甜甜又多汁，加上早已褪皮，凍凍地食，又係醒胃菜。餐湯就算係湯都有中湯冬瓜薏米湯同南瓜忌廉湯。冬瓜湯好有家常湯感覺，而南瓜湯質感好滑溜，不錯，灑點胡椒粉仲正。中式點心畢
早前試過最新開業的合和酒店中菜廳，今次同太太及相熟朋友又去了 Lobby Cafe。Lobby Cafe 並沒有正式的自助餐，晚上反而提供了半自助餐。
晚上的Semi-Buffet CP值相當高，基本用餐只不過每位$318，就帶大家睇睇陣容吧！
沙律吧DIY沙律
有紅葉菜、九芽菜、 甘筍絲、羽衣甘藍、紅羽衣甘藍、車厘茄、綠珊瑚生菜、燒蘑菇及雜菜，仲有不同的醬料供大家自行調配自己的口味。
蟹肉沙律是最受歡迎的菜色之一，蟹肉甜美而蔬菜新鮮，口感清新。另一道雞絲柚子沙律就好啱我口味，因為有柚子的芳香及微酸，真的好開胃。
另外仲有泰式燒牛肉沙律及泰式鳳爪。
頭盤
自家醃製的紅菜頭醃三文魚及柚子三文魚配青蘋果香醋汁，油香滿滿，粉嫩的質感，倒也吃了不少。
大路一點的有巴馬火腿、莎樂美腸以及雜錦芝士。
雜錦壽司如果不想加錢點主菜，放心，一樣有澱粉質，壽司有八爪魚、熟蝦、三文魚及鰻魚等。
另一邊有醃製蝦花生、漬車厘茄、燒彩椒及意大利青瓜，個人覺得漬車厘茄酸酸甜甜又多汁，加上早已褪皮，凍凍地食，又係醒胃菜。餐湯
就算係湯都有中湯冬瓜薏米湯同南瓜忌廉湯。
冬瓜湯好有家常湯感覺，而南瓜湯質感好滑溜，不錯，灑點胡椒粉仲正。
中式點心
畢竟酒店有中菜廳，所以有蝦餃、燒賣、饅頭、馬拉糕同埋叉燒包提供，其實款式算多。
海鮮
300幾都仲有凍海鮮，蟹爪、青口及熟蝦當然係任食，質素都不俗。
熱葷
作為半自助餐，總不能沒有熱葷吧？
中式有彩椒炒牛柳粒、叉燒炒蛋、 炸雞寶及咖哩牛肉可樂餅。牛柳粒幾軟熟入味，就連彩椒都好惹味。
甜品
有即製糖不甩、桂花杞子糕、開心果紅莓蛋糕
茉莉花茶白桃蛋白餅、雜錦曲奇、蘋果金寶及腐竹雞蛋糖水。
絕對推介中式糖水，腐竹煮至溶入水中，有豆香又不太甜。
水果都有菠蘿、西瓜及哈密瓜。
雪糕用上Movenpick的迷你杯裝，夠晒衛生。
口味有Espresso Croquant、Stracciatella、Swiss Chocolate、Strawberry及Vanilla Dream。
咖啡或茶可以任沖Twinings茶包，除了中式茶外，仲有Pure Peppermint、English Breakfast Tea及Darjeeling Tea。
講真，係便利店買一杯隨時三幾十蚊，家陣有海鮮刺身，有湯，有熱葷同甜品樣樣齊，加埋一都係$350左右，地方又寧靜寬敞，食得舒適，仲要無分兩輪，個人覺得好值。
但係想有進一步享受，又可以加一二百蚊，來多一個主菜。
而係4月30號前download Hopewell Club App，仲可享85折優惠。
無酒精啤酒Warsteiner （$78）望望酒水牌，竟然發現有無酒精啤酒提供，點了一支同太太share，味道還不錯，都有啤酒的香氣。
除了基本的食物外，仲可以加錢另上一道主菜，總共有8款選擇，分別是
1）香煎三文魚扒（130g）（$150）（時令薯菜、番紅花忌廉醬）
2）燒澳洲牛柳 （140g）（$150）（時令樹菜乾蔥紅酒醬）
3）烤焗澳洲羊鞍（180g）（$200）（時令薯菜、黑醋醬）
4）慢烤春雞卷（$100）（時令薯菜、芥末籽醬）
5）印式烤雞、 印度烤餅 （$100）
6）燒越南香茅豬頸肉、絲苗白飯（$100）
7）韓式醬煮牛肋骨、絲苗白飯（$150）
8）清蒸沙巴龍躉、絲苗白飯（$150）
當中己包含牛、羊、雞、魚及豬，蒸、炸、烤、煎及焗，價錢由$100至$200不等。
今次同太太選了羊鞍及豬頸肉。
羊鞍要了七成熟，肉質呈嫣紅色而不帶血絲，火喉控制得相當好，骨膜位更是油香滿滿。
一般豬頸肉上檯時多是早已切開，但今次卻是原塊上，仲要係勁大塊，烤得香茅味四溢，豬頸肉醃得入味又有嚼口，醃白飯最啱。
其實如果胃納不大，食基本菜已足夠，但想來點fine dining 感覺，不妨加少少錢，多點一份主菜，而且附有酒吧，大可飯後來一杯Cocktail吧！张贴
