影片
更多
2022-07-11
163 浏览
放工同朋友食日本菜，餐廳裝潢好靚，採用和風設計，好似去咗日本居酒屋咁。入去就見到梅酒櫃，上面放滿一支支梅酒，隔離放滿兩盤生蠔。穿過小走廊嚟到我地既座位，我地前面係刺身區，可以一邊食野一邊睇住師傅預備刺身。我地點咗唔少燒物，包括天婦羅、鵝肝大黑菇、清酒煮蜆等。燒鱈雪干係食過最好食嘅鱈魚乾。濃郁嘅鱈魚味，燒得脆卜卜，作為餐前小食值100分！雜錦天婦羅有三隻大蝦，隻蝦都唔細，食落新鮮爽口。仲有番薯、茄子、南瓜同秋葵，炸得啱啱好，食多幾件都唔會覺得油膩。清酒煮蜆上枱既時候熱辣辣，份量都算多，香濃嘅酒味配搭蜆肉嘅鮮味，同朋友一口接一口食唔停。松葉蟹膏多士嘅蟹膏份量唔少，好鮮味。調味帶一份鹹香，配搭多士一流。鵝肝大黑菇既鵝肝滑腴肥嫩，同大黑菇一齊食，唔怕會有油膩感。燒日本秋刀魚唔會燒得太乾身，食落香脆惹味。平時好少食羊肉，怕羶味會好重，今次既紐西蘭羊架有驚喜，內層既肉粉嫩，食落肉質鮮美多汁，係水準之作！
入去就見到梅酒櫃，上面放滿一支支梅酒，隔離放滿兩盤生蠔。
穿過小走廊嚟到我地既座位，我地前面係刺身區，可以一邊食野一邊睇住師傅預備刺身。我地點咗唔少燒物，包括天婦羅、鵝肝大黑菇、清酒煮蜆等。
燒鱈雪干係食過最好食嘅鱈魚乾。濃郁嘅鱈魚味，燒得脆卜卜，作為餐前小食值100分！
雜錦天婦羅有三隻大蝦，隻蝦都唔細，食落新鮮爽口。仲有番薯、茄子、南瓜同秋葵，炸得啱啱好，食多幾件都唔會覺得油膩。
清酒煮蜆上枱既時候熱辣辣，份量都算多，香濃嘅酒味配搭蜆肉嘅鮮味，同朋友一口接一口食唔停。
松葉蟹膏多士嘅蟹膏份量唔少，好鮮味。調味帶一份鹹香，配搭多士一流。
鵝肝大黑菇既鵝肝滑腴肥嫩，同大黑菇一齊食，唔怕會有油膩感。
燒日本秋刀魚唔會燒得太乾身，食落香脆惹味。
平時好少食羊肉，怕羶味會好重，今次既紐西蘭羊架有驚喜，內層既肉粉嫩，食落肉質鮮美多汁，係水準之作！
张贴
