十分推薦呢度嘅晚市套餐，性價比非常高，特別係晚市二人套餐，套餐包含是日餐湯、沙律、小食、主食、pizza、甜品及餐飲，好豐富好有誠意！人均100蚊都唔洗，就可以食到豐富大餐！
晚市二人套餐是日餐湯 - 羅宋湯濃郁菜湯非常足料，酸中帶甜辣！
沙律 & 柚子雞翼和風沙律和柚子雞翼很適合作為前菜小食，開胃又滋味。
主食 - 鮮茄汁海鮮意大利飯煮得剛剛好，飯粒充分吸收醬汁的風味，入口香濃 、飯粒口感煙韌，仲有海鮮作為配料，整體味道香濃鮮美。
自選配搭Pizza可以自選三款配料，我哋揀咗雞肉+芝士+野菌，份量十足，而pizza餅底係厚批，非常飽肚。
餐飲點了熱柚子茶和百香果沙冰，兩杯都香香甜甜，既解渴又解油膩感！
甜品後飯甜品有幾款選擇，最後揀咗抹茶芝士蛋糕和朱古力芝士蛋糕，兩款各有特色，抹茶芝士蛋糕層次豐富，抹茶味道濃郁；朱古力芝士蛋糕口感軟滑，朱古力香濃和芝士風味融合得很好，不會過於甜膩。
