茶意

門面的紅色光管燈很吸睛，內裏燈光柔和，設有舒適的卡座、二至四人枱，座位不少，環境闊落，骨子企理。選擇不少，有焗類、滑蛋包飯、洋風滋味、鐵板飯、二及四人餐、披薄、飲品及甜品。主菜加錢配是日餐湯沙律及甜品（$21），是日餐湯是羅宋湯，味道非常濃郁，啖啖充滿酸香，越喝越醒胃。內有甘荀、西芹、椰菜等蔬菜，湯料豐富，味道美味。沙律 新鮮爽嫩，配了甘香的芝麻醬，簡單美味。黑椒牛柳粒飯($68)大大碟，牛柳腍嫩，配上香辣惹味的黑椒汁，刺激味蕾，正！鮮蜆白酒煙肉蒜香意大利麵（$68）同樣份量十足。蜆肉鮮味；煙肉鹹香，扁意粉有嚼勁，淡淡蒜香，少油少鹹，不錯！甜品有三款蛋糕選擇，我地揀了榛子摩卡蛋糕和柚子芝士蛋糕，兩款都很精美。榛子摩卡蛋糕 鬆軟，忌廉幼滑，啖啖朱古力和榛子香，好好味！柚子芝士蛋糕 酸酸地，口感細滑，啖啖芝味。草莓沙冰（+$12）成座山，大大杯，感覺好冰涼。真的冰涼透心，味道酸咪咪，好清新！熱柚子茶（$0）暖笠笠，酸酸甜甜好滋潤。…查看更多

最近在寶琳地鐵站對面的新式茶記：茶意用餐，整體感覺真的不錯。我們點了蔥爆黑椒牛柳粒煲，有個爐燒住，不怕會凍，牛柳粒鮮嫩多汁，搭配黑椒的香味，特別入味，讓人一口接一口。鐵板雜錦牛魔王飯十足pepper lunch咁，裡面有肥牛、牛柳粒和牛脷，份量十足。牛肉燒汁入味，煎得剛剛好，外脆內嫩，搭配飯一塊吃，特別過癮，讓我滿足得不得了。鐵板的熱度保持得很好，整體口感很棒。餐廳環境也很舒適，適合和朋友聚餐，服務也很親切。這一餐讓我很滿意，期待下次再來試試其他菜式！…查看更多

📍Shop G08-09, G/F, MCP DISCOVERY (Phase III), 8 Mau Yip Road, Po Lam, Tseung Kwan O 將軍澳寶琳貿業路8號新都城中心三期地下G08-09號舖---Nestled in MCP Discovery, T3a.Tim3 茶意 offers a refreshing escape with its thoughtfully curated set lunches that blend comfort and flair. Both Set A and Set B begin with a crisp salad 🥗 and a hearty bowl of borscht 🍅—a warm welcome that sets the tone.Set Lunch A features a luxurious black truffle prawn linguine 🍤🍝, rich in umami, followed by a soothing hot yuzu tea 🍋☕ that lingers with citrusy warmth.Set Lunch B brings autumnal vibes with pumpkin, wild mushrooms, and roasted chicken penne 🎃🍗🍄—earthy and satisfying, paired with a classic iced lemon tea 🍋🧊 for a brisk finish.Whether you’re craving indulgence or comfort, T3a.Tim3 茶意 delivers with finesse and flavor.…查看更多

寶琳地鐵對面間茶記，大件夾抵食！今朝行到寶琳地鐵對面，隨便入咗間茶餐廳醫肚先講個黑松露大蝦扁意粉，一上枱就聞到陣松露香唔會死咸死香嗰種，扁意粉索晒醬汁，咬落彈牙蝦仁爽脆，唔似雪貨，食落好新鮮呢個價錢有呢個水準，真係抵讚！跟餐嘅羅宋湯都有驚喜，蕃茄味好濃唔係得個湯味冇料嗰種沙律就中規中矩，菜葉新鮮，淋嘅沙律醬夠多配埋杯熱華田，夠香滑，唔會太甜同行朋友叫咗和風鰻魚丼飯，鰻魚鋪滿成碗飯，外皮微焦，咬落帶少少脆肉質軟淋，醬汁甜甜地，撈飯食簡直停唔到口！佢個跟餐同我一樣，羅宋湯加沙律，仲配咗杯茶走茶味夠濃，奶味滑，走咗糖之後更突出茶香總體嚟講，呢間茶記出品穩陣，分量又足坐得都算舒服，寶琳街坊想醫肚，呢度絕對係個好選擇！…查看更多

[✨將軍澳 茶意 ]#將軍澳 #茶意🔸三層芝士鮮茄焗豬扒飯 $64芝士濃郁拉絲到癲，番茄汁酸甜開胃，厚切豬扒嫩滑多汁，一口咬落芝味爆燈，平民價高質焗飯，性價比爆燈💥🔸鮮蜆白酒煙肉蒜香意大利麵 $68蜆肉粒粒肥美，白酒湯汁清新帶微酸，煙肉粒增添煙韌香。意粉煮得夠口感，唔錯。🔸熱檸水🔸凍檸茶 +$3茶味濃郁回甘，夏天解膩必配！————————♡♡♡♡♡♡————————✨總結茶意係將軍澳最近新開嘅茶餐廳，裝潢走冰室風，主打高CP值港式菜式，菜式都做得好認真，份量足料，絕對係寶琳街坊日常食堂嘅又一好去處。📍茶意🏠將軍澳寶琳貿業路8號新都城中心三期地下G08-09號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港必食 #香港探店 #香港打卡 #香港旅游 #香港必喝 #將軍澳 #將軍澳美食 #香港美食 #美食探店 #港式 #茶餐廳 #冰室…查看更多

今日同朋友去咗間幾特別嘅茶餐廳，佢哋玩fusion菜，格局就係傳統港式茶餐廳，但個menu竟然有黑松露、意大利飯呢啲西野，幾過癮！首先叫咗個「黑松露野菌蠔仔意大利飯」，一上枱已經聞到好香黑松露味！個意大利飯煮得啱啱好，唔會太淋，蠔仔細細粒幾鮮味，同野菌好夾。跟住試咗個「鐵板雜錦牛魔王飯」，個鐵板真係滋滋聲咁上枱，好有氣勢！個照燒汁甜甜地，幾開胃。個「雜錦牛」有牛舌、牛柳同牛扒三款，牛舌爽口得嚟唔會韌，牛柳好淋，牛扒就比較有咬口。一次過試勻三種牛加配咗是日餐湯，係羅宋湯，料都幾足，酸酸地幾醒胃。沙律有芝麻醬，幾香口。甜品揀咗抹茶芝士蛋糕，抹茶味幾出，又唔會太甜，作為一餐嘅結尾幾滿意。飲品方面，熱柚子蜜飲落好舒服，凍檸茶就走甜，清新解膩。整體嚟講，呢間茶餐廳fusion菜幾有驚喜，價錢合理，環境又舒…查看更多

今日去新都城行街，行行下見肚餓就周圍搵下有咩食🙂‍↕️咁啱見到有間新開既餐廳好似幾吸引，就決定試試佢😋👉🏻鮮茄汁豬扒滑蛋包飯+凍檸茶 $58+3✨外觀色彩鮮艷，金黃色既滑蛋覆蓋喺米飯上，搭配鮮紅既茄汁同煎至微焦的豬扒，上面再落埋香草，賣相誘人，令人食指大動😋豬扒厚身，唔會煎得好乾柴，有肉汁🙂‍↕️鮮茄汁酸甜開胃，份量好夠，食哂成碟飯都仲有剩😋茄汁同滑蛋完美融合，提升整體既味道🙂‍↕️滑蛋滑身，有蛋汁流落來，唔會乾🙂‍↕️👉🏻蛋黃煙肉卡邦尼扁意粉 $58✨意粉煮得啱啱好唔會太硬，亦都唔會太腍，口感彈牙🙂‍↕️意粉掛滿醬汁，醬汁味道濃郁，有好香既蛋黃味，配料絕不孤寒，蘑菇同埋煙肉都有好多😋煙肉脆身帶焦香，大大塊，食落口非常滿足😌意粉上面佈滿芝士粉，咸香咸香，令意粉既味道更加有層次感👉🏻草莓沙冰 +$12✨草莓沙冰唔係藥水味，飲落口仲飲到草莓籽，沙冰非常夠凍，上到枱都唔會溶哂🙂‍↕️…查看更多

♥ 將軍澳寶琳新開平民茶餐廳♥ ✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥ 將軍澳新開了一間茶餐廳，在寶琳地鐵站出口對面，在新都城三期地下。茶餐廳座位設計舒服，十分光猛；定價親民，不用加一，晚市套餐低至$5X，配送一杯熱飲，份量不少，難怪吸引不少街坊幫襯。鐵板雜錦牛魔王飯 $108鮮蜆白酒煙肉蒜香意大利麵 $68
📍 茶意將軍澳寶琳貿業路8號新都城中心三期地下G08-09號舖
.・。.・゜✭・✫・゜・。.#將軍澳 #將軍澳餐廳 #將軍澳美食 #將軍澳必吃 #將軍澳必食#寶琳餐廳 #寶琳美食 #新都城…查看更多

對～又係我😆，幾星期前寫咗個午餐同下午茶嘅食評，今次寫下早餐，同埋開業冇兩個月已經加咗價🥲.好開心，佢有好多嘢食嘅美式全餐，全餐有煙肉、法腸、煙三文魚、沙律、蛋、麵包。早餐唔使只係食米粉同三文治。喜歡佢個煙肉唔係勁多肥膏混雜同煎到油淋淋硬掘掘果種，係比較軟身多肉嘅煙肉。而法腸係有少少脆皮，肉質比較腍身嘅腸，味道都唔錯。煙肉同法腸都唔會太鹹太勁調味，不錯。跟餐會有丹麥酥，除咗可以加錢轉多士或者牛角酥外，手機落單仲有其他選擇，其中一項寫住「油包」，我就問阿姐油包即係咩？佢諗咗一陣，再問佢係咪餐包佢話「係！」。上到枱時係白麵包加牛油… 勁失望😫 咁我就唔知係阿姐出錯定廚房出錯，但趕時間費事再捉住阿姐再問。.講返餐牌，除咗小食飲品個牌，全部已經轉咗。多咗新嘢食，但啲字再細咗密咗，其實睇落下有啲辛苦。無無聊開返openrice對吓個舊餐牌，有九成嘅嘢都加咗5%-10%😢，再立到午餐個慢煮咖喱牛腩飯加咗$8，由$46加到$54，都明白佢呢個飯之前定價係低咗。.希望今次大幅加價後唔好再咁快加價，之前屋企附近另一間餐廳又係開業冇耐就加價，隔3-4個月又加下，因為咁啲客少得好快，間嘢唔夠2年就執咗……查看更多

👧🏻😋👅🍽✨寶琳新張茶記-🦉 新都城三期新開茶餐廳喺正寶琳站對面馬路，舖位好大但人流唔算旺，侍應都好殷勤友善🦉 晚市套餐17:00起供應，開到23:30，寶琳人宵夜有着落 ▪️鐵板雜錦牛魔王飯 $108🥩 上碟個樣有啲似pepper lunch😂 除咗肥牛仲有牛柳粒同牛脷算幾足料，鐵板夠勁整到脆卜卜飯焦▫️三層芝士鮮茄焗豬扒飯 $64🍅 蛋炒飯底落鹽重手咗少少偏鹹，撈埋鮮茄汁同菠蘿食都ok，三重芝士厚身焗到金黃好香口…查看更多

今晚去咗新都城行街，行完街就梗係搵野食啦，見到附近開咗一間新嘅餐廳，所以就同朋友入去試吓。三層芝士鮮茄焗豬扒飯焗飯的口感相當豐富，豬扒軟嫩，芝士融化後形成絲滑的層次，米飯則吸收了豬扒的肉汁和番茄的甜美，味道甜酸酸，十分開胃。鮮蜆白酒煙肉蒜香意大利麵麵條既有彈性又不過於硬，蜆肉鮮嫩，加咗煙肉增添了層次感，而其蒜香的味道更是令人越食越想食。總的來說，呢度晚餐選擇多，價格便宜，是寶琳一間性價比不錯的餐廳。…查看更多

新都城新開平民版西餐廳試過一次都返唔到轉頭了，因為性價比實在太高！呢度嘅套餐，平均都係$50有交易，仲平過連鎖餐廳！加配$18有是日餐湯沙律同埋甜品真係抵到爛！紅湯正常發揮，十分開胃！咖喱牛腩焗飯，熱辣辣出爐，最重要嘅係炒底！粒粒金黃色嘅雞蛋炒飯配上香濃咖喱汁和鬆軟的牛肉！加上拉絲芝士，高汁！沙律菜爽甜新鮮，配埋芝麻醬清新之選黑松露野菌蠔仔意大利飯本身蠔仔都好鮮味加上洋蔥冬菇同埋意黑松露！茶記嘅價錢，但係出到嚟嘅係西餐質素！有啲食緊蠔仔粥嘅感覺，但係加上黑松露有出奇地夾，係好中式同西式嘅mix and match非常有驚喜！榛子摩卡蛋糕Set 有埋蛋糕，啱晒我唔鐘意太甜的人士！非常有驚喜，因為估唔到呢個價錢係食到平時西餐過百蚊嘅質素！下次都會繼續再來😁…查看更多

新開不久便去了幾次，試過午餐下午茶同晚餐。.其實部分用料有啲啲似頹飯，不過佢運用到一點小配搭變成了高級一點嘅頹飯，所以價錢不算高，但係又有比較好嘅質素，現時價錢似返畀街坊食，希望唔會好快就加會😌.這裡的熱奶茶奶味偏重，個人都喜歡。檸茶係用新鮮檸檬，不是用什麼聲稱什麼健康的化學冷榨檸檬汁，茶底正路，不會又黑又澀，這是我會常去的原因。♥️🍋.豬扒正路的茶餐廳味，不會乸到淋晒或揼到薄晒無晒味果款，不會油淋淋，還好。.喜歡沙律不是9成都係西生菜，有一半係其他款式的沙律菜夾雜一起。不過相隔一兩個禮拜後再去，西生菜的份量開始多了，希望將來唔會變咗9成都係西生菜。.下午茶有個什麼配茄湯通粉的，茄湯是偏淡口的，有啲餐廳會很濃會很香，但有時想食淡口的日子呢個都係不錯的選擇。.整體東西不太多味精。作為街坊覺得這間暫時都是不錯的選擇。.中秋那天有去幫襯下午茶，埋單時送了個廣良興紅豆月餅，雖則唔係什麼靚月餅，但又幾開心😆.開店一兩星期後才第一次去幫襯，有個譚仔話阿姐應該冇睇更表亂咁去錯嘅位置工作，就被一位女經理訓話，但經理講嘢夾雜一啲英文（正路的香港人說話），相信那位阿姐都唔肯定佢講乜，阿姐無心上班有佢嘅錯，經理其實表現也有點不成熟，不是擺出點點經理姿態下屬便會聽教，況且之後仲同另一些員工說那阿姐是非，雖則唔係很嚴重，但這樣都不適當。(sorry我八卦了，不過整件事都在我身旁發生好難聽唔到😆）另外請教啲阿姐「丼」音是當，不是鰻魚井飯～.補返句，對客服務是不錯的～.現在只收現金，希望快啲有八達通。…查看更多

茶意今次要介紹一間喺將軍澳新都城中心三期地下嘅一間茶餐廳叫「茶意」，呢間茶餐廳最初見到有一級，後來店員話左邊有斜路可以入去，咁樣做就最方便輪椅人士入去食野啦！1.精選High Tea$88+凍檸茶$6+凍朱古力$6（7.5/10）呢個精選high tea套餐好啱兩個人入嚟吹吹水輕食下，high tea套餐入面有1件柚子芝士蛋糕、1件抹茶芝士蛋糕、2隻柚子雞翼、2件芝士炸春卷、炸薯角同4件切開咗嘅公司三文治，柚子芝士蛋糕個柚子味唔會好濃，抹茶芝士蛋糕個抹茶味都唔會好濃，柚子炸雞翼有少少燶咗，炸春卷入面無咩芝士，炸薯角熱辣辣都幾脆，公司三文治入面嘅午餐肉有少少咸，飲品揀咗兩杯凍飲，凍飲加$6，熱飲免費，揀咗凍檸茶同凍朱古力，味道正常！2.沙爹牛肉公仔麵 配餐肉炒蛋及丹麥酥+凍好立克$6（8/10）呢碗沙嗲牛肉公仔麵個沙嗲味唔夠香濃，牛肉都幾淋，餐肉有少少咸，炒蛋都幾滑，反而想知丹麥酥係咪即係烘咗嘅多士？🤣飲品揀咗凍好立克，好立克有少少甜！3.咖哩雞球焗飯+熱奶茶$58（8.5/10）呢個咖哩雞球焗飯都幾正，上面芝士多到可以拉絲，飯係炒飯底，入面仲有蛋碎，雞球都幾滑同幾焦香，如果咖哩味再重少少就更好！飲品揀咗熱奶茶，奶茶茶味太出，有少少苦澀味，有待改善！2人總共價錢$198個人口味總評分：8/10地址：將軍澳寶琳貿業路8號新都城中心三期地下G08-09號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#茶意 #茶餐廳 #香港美食 #將軍澳美食 #將軍澳好去處 #無障礙餐廳 #hkig #hkkol #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

寶琳就係將軍澳綫最後一站，其實過嚟食飯都好方便。近日新開嘅茶意，在地鐵站口對面，新裝乾淨企理，收工返嚟又攰又唔想煮，食埋先返屋企，方便快捷。蒜蓉汁雞扒滑蛋包飯建議第一次嚟食試吓蛋包飯系列，配扒類或者鰻魚，醬汁甜甜哋幾好。蛋嘅份量起碼2-3隻，用上高質嘅蛋，好滑溜。黑椒牛柳粒飯唔怕辣既，就推薦試返黑椒牛柳粒，黑椒味超強，牛柳粒有牛味，配上沙律菜。一般套餐配熱飲，揀咗熱檸水同熱柚子茶，而見到二人餐仲有餐湯，下次再嚟試吓。…查看更多