影片
更多
2023-01-25
49 浏览
介紹返💁🏻♀️。。🇹🇭 泰國嘢 在金鐘 🇹🇭。Apinara。太古廣場2樓205號舖。泰式蟹肉奄列 Thai Crab Omelette。HKD158 + 10%香脆蝦餅 Shrimp Cakes。HKD78 + 10% @ 3 pcs。HKD128 + 10% @ 6 pcs泰式炒通菜 Stir-fried Morning Glory。HKD88 + 10%菠蘿肉鬆海鮮雞肉炒飯Pineapple Fried Rice with Seafood, Chicken & Pork Floss。HKD148 + 10%青檸梳打 Fresh Lime Soda。HKD48 + 10%椰汁沙冰 Fresh Coconut Smoothie。HKD60 + 10%椰皇燕窩焦糖燉蛋 Crème Brûlée with Fresh Young Coconut 。HKD128 + 10%🤫 話說之前泰國日記係返到嚟香港先至慢慢寫..一邊寫就一邊懷念泰國美食..飯腳仔為此帶咗我去金鐘食返餐泰國嘢以填補我空虛嘅心靈同埋個大肚腩🤭🤫 佢帶我去邊? 原來係PP嘅Apinara..Apinara地方唔係話好大..
。
。
🇹🇭 泰國嘢 在金鐘 🇹🇭
。Apinara
。太古廣場2樓205號舖
。
泰式蟹肉奄列 Thai Crab Omelette
。HKD158 + 10%
香脆蝦餅 Shrimp Cakes
。HKD78 + 10% @ 3 pcs
。HKD128 + 10% @ 6 pcs
泰式炒通菜 Stir-fried Morning Glory
。HKD88 + 10%
菠蘿肉鬆海鮮雞肉炒飯
Pineapple Fried Rice with Seafood, Chicken & Pork Floss
。HKD148 + 10%
青檸梳打 Fresh Lime Soda
。HKD48 + 10%
椰汁沙冰 Fresh Coconut Smoothie
。HKD60 + 10%
椰皇燕窩焦糖燉蛋
Crème Brûlée with Fresh Young Coconut
。HKD128 + 10%
🤫 話說之前泰國日記係返到嚟香港先至慢慢寫..一邊寫就一邊懷念泰國美食..飯腳仔為此帶咗我去金鐘食返餐泰國嘢以填補我空虛嘅心靈同埋個大肚腩🤭
🤫 佢帶我去邊? 原來係PP嘅Apinara..Apinara地方唔係話好大..但係都有一間十位左右嘅包廂..然後隔離仲自設酒吧..正所謂麻雀雖小五藏俱全..而我哋就被安排喺餐廳角落一個寬敞舒服嘅位置..望咗兩眼Menu發現佢個期間限定竟然有我心心念念嘅蟹肉Omelette..一於試吓佢以解我單思之苦..奄列嚟到嘅時候平平無奇..點知叫飯腳仔一切開原來內有乾坤..瘋狂咁多蟹肉喺個奄列入邊湧出嚟..(請無視Foodie界Fail王者嘅男朋友嘅花式切蛋而導致成嚿蛋飛咗落張枱度🤭)..見到咁嘅狀況我梗係即刻拮一啖落口試吓啦..喂～還原度有90%喎..奄列嘅蛋完全係泰式煎蛋..全熟而且係脆邊..Yummy Yummy..然後蟹肉嘅份量簡直係一比一..鮮甜有口感..絕對係足本演出..呢個真心推介
🤫 然後先講吓地球上邊飯腳仔唯一食嘅蔬菜～通菜! 所以我覺得泰國真係好適合佢去..因為周街都有炒通菜食..而呢一度嘅泰式炒通菜辣度適中而且份量多..原來仲可以Order嘅時候話俾佢知我哋要唔辣㗎..好彩我而家食得少少辣嘅啫
🤫 再嚟就梗係要介紹埋我哋叫嘅小食..亦都係去親泰國菜都食嘅..炸蝦餅..呢度嘅炸蝦餅同地道嘅炸蝦餅一樣都係水泡形狀..炸得非常之乾身..早知佢咁大嚿就嗌三嚿算啦..而家爭啲食唔晒..然後佢係真係有泰式炸蝦餅嗰種泰式香草味..即係有些小唔知係咪叫做酸嘅味道..你哋有喺泰國食過蝦餅嘅應該知道我講嘅嗰種味道..總之咬咗一啖瞌埋眼會覺得自己真係自身泰國嗰種🤪
🤫 我哋仲叫多咗個菠蘿炒飯..其實呢一刻我已經好飽啦..所以基本上成個飯都係飯腳仔自己隊咗..咁我都有試一兩啖嘅..我好欣賞佢啲炒飯真係好有菠蘿味..而且發現個菠蘿殼入邊其實仲有幾多嘅菠蘿肉..相信佢係炒完個飯之後放入個菠蘿入邊同啲菠蘿肉一齊焗一陣先至會做到呢個效果..師傅果然功架十足..另外炒飯入邊都好足料..面頭嗰一隻大蝦雖然有炸粉但係都食得出入邊嘅彈牙口感..唔錯唔錯
🤫 我爭啲唔記得講..飲品方面..飯腳仔飲咗普通得嚟又好好味嘅青檸梳打..而我就醒啦..我叫咗杯椰子Smoothie..雖然佢係Smoothie..但係其實佢係一個椰汁冰嘅Smoothie嚟㗎..入邊係有嗰啲粉紅色同埋綠色嗰啲好似啫喱好好咬嗰啲嘢呢..我鍾意
🤫 最後..亦都係..女孩子好鍾意食嘅甜品環節..呢個甜品仲要係養顏嘅燕窩Crème Brûlée..LOL..喺脆卜卜嘅焦糖上邊有大大羹嘅燕窩..然後燉蛋仲要係好滑溜㗎..雖然碗仔細細..但係我自己一個獨享其實係啱啱好㗎
。。
翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
张贴
