影片
更多
2022-06-30
41 浏览
有冇人覺得去試新Cafe係一件減壓嘅事呢～呢日放工之後就去咗佐敦一間（算新？）嘅日系cafe，主要係想食佢個梳乎厘班戟。🍯榛子焙茶梳乎厘班戟$138第一時間係搖一搖隻碟，睇吓soufflé pancake有幾震騰騰，呢間嘅班戟空氣感做得唔錯，食落軟綿綿，幾fluffy，唔會似食緊蛋糕。可惜呢度upload唔到片啦～ 畀我再嗌，我會想試原味多啲，因為鍾意蛋香突出啲，而家個榛子醬比較甜。同埋原味抵食啲😛 最近天氣熱到溶，喺地鐵站行到過去，二話不說嗌杯凍飲。烏龍咖啡味突出，帶淡淡烏龍味，杯底有啲奇亞籽，配搭幾得意。店內和風紙藝吊燈同門口嘅港式仿紙皮石櫈都令我比較深印象。煙燻照燒雞扒、牛油果、窩夫 🧇 $88烏龍咖啡☕️ $48TERA地址：佐敦廟街273-285號寶發大廈地下4號
有冇人覺得去試新Cafe係一件減壓嘅事呢～呢日放工之後就去咗佐敦一間（算新？）嘅日系cafe，主要係想食佢個梳乎厘班戟。🍯
榛子焙茶梳乎厘班戟$138
第一時間係搖一搖隻碟，睇吓soufflé pancake有幾震騰騰，呢間嘅班戟空氣感做得唔錯，食落軟綿綿，幾fluffy，唔會似食緊蛋糕。可惜呢度upload唔到片啦～ 畀我再嗌，我會想試原味多啲，因為鍾意蛋香突出啲，而家個榛子醬比較甜。同埋原味抵食啲😛
最近天氣熱到溶，喺地鐵站行到過去，二話不說嗌杯凍飲。烏龍咖啡味突出，帶淡淡烏龍味，杯底有啲奇亞籽，配搭幾得意。店內和風紙藝吊燈同門口嘅港式仿紙皮石櫈都令我比較深印象。
煙燻照燒雞扒、牛油果、窩夫 🧇 $88
烏龍咖啡☕️ $48
TERA
地址：佐敦廟街273-285號寶發大廈地下4號
张贴
