影片
更多
2022-05-18
949 浏览
每次經過海港城，午市都會見到排晒長龍，今次帶埋爸爸媽媽一齊去試吓呢間專食片皮鴨嘅上海菜，入到去其實整體來講個環境幾舒服，因為座位都比較大，空間感足夠，而且仲有戶外座位，對住個海景都幾正。入到去見到有一個餐單係三至四人餐，有yuu，優惠就可以享有七折，食物數量其實係好充足，但係費事打包，最後都係選擇散叫。首先叫咗個帶子龍蝦湯，雲吞鴨湯，呢兩個湯味道都好足夠，個人感覺龍蝦湯冇乜特別，正常味道，要雲吞鴨湯味道就比較鹹，雲吞反而幾好食！仲叫咗四川宮保雞丁，楊州小蔥蝦仁炒飯，宮保雞丁唔算太辣， 怕辣嘅人應該都啱食，麻辣味唔太重，反而食到酸酸maymay 嘅感覺，可以攞嚟送飯。試吓新嘢，仲有松子小煎雞米，餡料切得好幼細，口感幾好，反而係個包皮太硬，整體唔夠香脆。上海小籠包非常之多汁，做得幾出色！最後就係要試嘅北京填鴨，我哋叫咗半隻，平均每人食到三至四塊，如果要講唔好嘅地方，就係佢塊皮比較厚，淨係食皮都食飽，我自己個人中意係食薄皮啲，一口片皮鴨就最好！最後都食到好飽咁離開，唔需要打包。雖然 門口 多人 排隊， 本身用膳時間係1.5 小時，最後都可以 坐到超時，幾好👍🏼👍🏼今次食最主要有coupon，
每次經過海港城，午市都會見到排晒長龍，今次帶埋爸爸媽媽一齊去試吓呢間專食片皮鴨嘅上海菜，入到去其實整體來講個環境幾舒服，因為座位都比較大，空間感足夠，而且仲有戶外座位，對住個海景都幾正。
入到去見到有一個餐單係三至四人餐，有yuu，優惠就可以享有七折，食物數量其實係好充足，但係費事打包，最後都係選擇散叫。首先叫咗個帶子龍蝦湯，
21 浏览
0 赞好
0 留言
仲叫咗四川宮保雞丁，楊州小蔥蝦仁炒飯，
宮保雞丁唔算太辣，
30 浏览
0 赞好
0 留言
55 浏览
0 赞好
0 留言
25 浏览
0 赞好
0 留言
最後就係要試嘅北京填鴨，我哋叫咗半隻，平均每人食到三至四塊，如果要講唔好嘅地方，就係佢塊皮比較厚，淨係食皮都食飽，我自己個人中意係食薄皮啲，一口片皮鴨就最好！
42 浏览
0 赞好
0 留言
最後都食到好飽咁離開，唔需要打包。雖然 門口 多人 排隊， 本身用膳時間係1.5 小時，最後都可以 坐到超時，幾好👍🏼👍🏼今次食最主要有coupon，就會抵好多，如果唔係其實對比一般嘅上海菜來講，價錢係真係比較貴！間唔中食都OK嘅
张贴
