漢年茶餐廳

营业中

休息中

今日經過大圍，正好可以試一試鹽焗雞飯。好近火車站，行過一個街口就到，等位方面，雖然人多，但等得唔算耐，好快就有位坐。鹽焗雞飯可以揀髀飯，翼飯或者普通雞飯，我就揀左普通雞飯。另外，我見到好多人都叫「炒底」，睇落幾特別。不過我就想試下白飯底，因為我鍾意雞汁雞油滲落飯嘅味道。雞肉會食到鹽焗嘅香味，雞油味亦滲左啲落飯到，味道唔錯配埋沙薑啱啱好，肉質有咬口唔會太淋，不過咁啱我呢碟骨頭就多咗啲，整碟嘅份量都唔少，對得住價錢。如果你係唔鍾意麻煩嘅話，建議直接叫雞髀飯，啖啖肉食得過癮！總括嚟講，呢度嘅鹽焗雞飯性價比幾高，味道夠傳統，食完仲有種懷舊嘅滿足感！