漢年茶餐廳

住左大围咁耐都好少食呢间，知道呢间好出名，又多人，见今日人少少就试下，叫左2样share食。盐焗鸡饭好好彩，今次食盐焗鸡饭比左鸡脾我地，因为正常转鸡脾要加钱。鸡依然很滑很香，配埋个沙姜真系一流，唔怪得咁多人食。椒盐猪扒饭(炒饭底+$10)比起盐焗鸡饭，其实我地仲钟意食呢个饭多D，因为椒盐好香，又多蒜，配猪扒无得输，仲要改炒饭底，绝对升华！重口味人士必选，仲要超大碟，食完好饱。下次经过都想再试下其他。…查看更多

今日去大围行街， 周围睇吓有咩买返屋企食。 最尾拣咗呢间好多人推荐嘅茶餐厅， 见到佢OpenRice有咁多好评，网上咁多KOL话好食。 试吓招牌盐焗鸡炒饭底， 睇吓有冇伏先。首先， 骨多过鸡，居然有两旧鸡踭揾笨。 再嚟，揾过晒成袋外卖佢都冇俾沙姜汁我 ， 需要明白呢几件鸡有浸雪味 ， 你连沙姜汁都悭埋真系好突出佢嘅雪味 最后个蛋炒饭太湿饭太腍：炒饭，最基本要干身。 总括嚟讲大围有大把好嘢食， 下次可以试其他。 呢间唔会再有下次。 …查看更多

平日2点黎食大围鸡饭，都系坐无虚席！一坐低即刻叫左个鸡饭要鸡胸炒底，再试多个椒盐猪扒饭炒底1. 鸡饭（鸡胸）炒底碟上 我自己钟意啖啖肉，所以叫左鸡胸，鸡胸都完全唔鞋（当然冇得同鸡髀肉比较），但我自己都好满意！另外只鸡都好入味👍🏻👍🏻👍🏻鸡肉份量都好多。另外加左$12 转炒底，我就觉得好失色，个炒底完全唔香，当食白饭咁都冇乜分别，加左咁贵转炒底，同期望嘅太大落差。2. 椒盐猪扒饭炒饭碟上猪扒份量唔多但都大大件，椒盐就唔系好见，亦唔见干爽蒜粒，同时亦唔见椒丝，但讲真味道就唔差嘅，入味兼辣辣地，我本人都过关，可惜都系个炒底麻麻，拉低左分数。整体而言，鸡饭抵食，炒底可试，下次再去，会叫白饭.😜…查看更多

大围积福街有两间茶记老字号✌🏻各自凭着招牌菜式在大围名物榜上稳守多年，其中一间就是这次光顾，主打盐焗鸡的汉年茶餐厅🐔———————————————————————盐焗鸡卖相与一般烧腊店的白切鸡无异🐥但入口盐焗味道非常突出😎腌得十分入味，鸡皮底下的油脂亦令鸡肉充满油香👍🏻可惜肉质方面明显过熟🤨令鸡肉尤其是鸡胸位置偏韧难咬，整体来说未算太有特色🧐而炒饭水准更是令人大所失望🥲只因饭粒炒得未够干爽，湿润得是用筷子都夹得起的程度🫨未能做到粒粒分明，镬气欠奉🙅🏻‍♂️而且炒饭有额外添加调味🤌🏻再配上本身已经咸香味浓的盐焗鸡，个人认为未免太重口味🤫———————————————————————汉年的盐焗鸡饭水准普通，未算特别🤔作为街坊用餐选择是绝对可以👌🏻但说到是大围名物的话，本人认为未免过分夸张，有点名过其实😅…查看更多

此店的盐焗鸡饭一直受网络世界吹奏，近日见到同类youtube食评，因此特登慕名而来一试。正值星期六中午时段，门口大约排8-10人，店内快入快出，填鸭式的入座安排，造就了约5分钟成功入座。入内眼见全场满座，不论食物定食客都货如轮转，一张枱定必搭完再搭，可想而知一定系坐得又逼又唔舒服。环境方面够晒怀旧，彷佛返到20年前食店水平。$67 盐焗鸡饭炒底(碟上) - 盐焗鸡味够咸，鸡味欠奉，鸡肉份量、质地正常。炒饭名不符实，睇相就知系一旧饭团，基本揾唔到炒饭特质。碗同碟之间嘅分别只系份量差异，因为饭质关系，最终系冇食晒。网络食评足以令食店自动升格，但有感过份吹奏，不会再来。…查看更多