一緒一番酒場

营业中

休息中

最近發現中環站D2出口，5分鐘路程就到的Stanley11大廈原來有好多靚餐廳，呢日特登過來Stanley11頂樓(26樓)食依間好多好評嘅餐廳 。 一出lift就見到帶落地大玻璃窗，開陽景觀，設計是三邊全吧枱。要試最新鮮食材當然要點廚師發辦，我選了十貫廚師發辦壽司套餐($880/位)🍸🍸特色前菜：柚子醋沙律、牛蒡漬物配芝麻、紅酒蕎頭柚子醋沙律同紅酒蕎頭都酸酸地嘅開胃前菜，牛蒡漬物好爽口。🍣🍣鯛魚薄切🍣🍣師傅用沖繩冰吹鯛魚，薄切鯛魚片落了岩鹽同橄欖油，最後落幾滴青檸汁調味，食的時候捲着蔥花同埋菊花瓣。魚比較淡味，落了即磨岩鹽帶出魚的鮮味，青檸汁、蔥花同菊花瓣令到魚肉更加清新。🍣🍣10貫握壽司🍣🍣🔴金目鯛肉質豐厚，落了少少柚子皮碎，食落非常清新。乙🔴黃金池魚剝皮之後見到魚身閃令令，看得出的新鮮。🔴赤貝非常新鮮，口感爽脆。🔴鰤魚師傅話佢哋只會用腩的部位，現在當造，所以特別肥美。火炙後上面放了三星味噌，味噌的甜味令魚味更突出。🔴青魚比剛才鰤魚味道更加濃烈，上面有紫蘇葉同埋薑蓉仲有炒香芝麻。🔴赤蝦上面係用炒香了的櫻花蝦磨成粉灑上去，令蝦味更加濃郁。🔴熟成十日的大拖羅滿口的肥美，說不出的滿足感。