影片
更多
2023-06-20
51 浏览
早排個friend問我有無日本菜介紹，一時三刻諗唔起。不過食完呢間，即時msg介紹左比佢。等緊安排位置時，就見到店員開緊蠔，側邊仲擺左一支支睇落自家制嘅梅酒，個時已經好期待啲野食。餐廳樓底高，設計得幾有格調，加上我地坐bar台，睇住師傅整野，感覺特別良好。🥢溫泉蛋沙律醋汁沙律配上溫泉蛋嘅蛋液，幾開胃。🥢生蠔4隻+梅酒set當日係日本蠔，每隻都好飽滿，生蠔口感清爽，海水味唔算好濃，加上無金屬味，係接受度高又易入口嘅生蠔。而且開蠔師傅處理得好乾淨，無蠔碎，值得一食啊。店員介紹話梅酒自家釀左兩年，自己都有釀開梅酒，點都試下人地嘅。本身生蠔set包左飲品，加錢就可以轉飲梅酒。呢到嘅梅酒飲法係配冰，酸甜平衡得好好，有濃郁嘅梅味。溫馨提示，酒精濃度都高，唔好飲咁急啊。🥢雲丹拖羅蓉山盛上網睇到呢碟個樣好crazy，即時叫左黎試。呢座海膽拖羅蓉山下面，遮住左6件卷物，食法係用匙羹將海膽、拖羅同三文魚子放係卷物到一啖食。一定要讚個海膽好鮮甜，畢竟係香港食到鮮甜海膽唔容易。三文魚子一咬就爆，又唔會死咸。呢三種都新鮮嘅食材一啖食，三重口感下係無得輸，必叫啊。🥢美國牛小排燒得夠香，牛小排有油脂又有肉嘅軟嫩，配
等緊安排位置時，就見到店員開緊蠔，側邊仲擺左一支支睇落自家制嘅梅酒，個時已經好期待啲野食。
餐廳樓底高，設計得幾有格調，加上我地坐bar台，睇住師傅整野，感覺特別良好。
🥢溫泉蛋沙律醋汁沙律配上溫泉蛋嘅蛋液，幾開胃。
🥢生蠔4隻+梅酒set
當日係日本蠔，每隻都好飽滿，生蠔口感清爽，海水味唔算好濃，加上無金屬味，係接受度高又易入口嘅生蠔。而且開蠔師傅處理得好乾淨，無蠔碎，值得一食啊。
店員介紹話梅酒自家釀左兩年，自己都有釀開梅酒，點都試下人地嘅。本身生蠔set包左飲品，加錢就可以轉飲梅酒。呢到嘅梅酒飲法係配冰，酸甜平衡得好好，有濃郁嘅梅味。溫馨提示，酒精濃度都高，唔好飲咁急啊。
🥢雲丹拖羅蓉山盛
上網睇到呢碟個樣好crazy，即時叫左黎試。呢座海膽拖羅蓉山下面，遮住左6件卷物，食法係用匙羹將海膽、拖羅同三文魚子放係卷物到一啖食。一定要讚個海膽好鮮甜，畢竟係香港食到鮮甜海膽唔容易。三文魚子一咬就爆，又唔會死咸。呢三種都新鮮嘅食材一啖食，三重口感下係無得輸，必叫啊。
🥢美國牛小排
燒得夠香，牛小排有油脂又有肉嘅軟嫩，配埋個柚子胡椒好食。略嫌份量比較少，唔夠喉。
🥢松葉野蟹腳天婦羅
呢樣失望啊，炸漿太硬，同新鮮蟹腳個口感有衝突。油膩感都遮左蟹肉嘅鮮甜。
🥢枝豆
食日本野成日都叫，既可以補充下啲proteins，咸咸地又岩送酒。
環境同味道都相當唔錯，加上地段咁方便，係正朗豪坊附近，絕對encore。
张贴
