影片
更多
2024-06-04
51 浏览
探魚烤魚今次介紹沙田新城市廣場一期6樓有一間烤魚店叫「探魚烤魚」，呢間喺內地係超出名嘅烤魚店，依家唔洗返北上都可以食到呢間烤魚店，我最鍾意反而係佢哋嘅冰粉，無限任食只係每位收$6，好抵！1.鮮青椒爽麻辣味烤魚（凌波魚）$298（8.5/10）我叫咗鮮青椒爽麻辣味烤魚，用上凌波魚，凌波魚都係第一次食，魚嘅肉質夠滑，可惜有好多細骨，大家真係要小心食到魚骨，至於辣度唔算好辣，呢個辣應該食唔到辣嘅人都可以接受到，條魚算好大條，足夠兩個人一齊食，仲有好多舊豆腐，份量非常足夠！2.易燃易爆小吃天團$68（8/10）呢個炸物拼盤份量都唔少，有炸雞肉、炸金針菇、炸淮山片和炸小酥肉，炸雞肉肉質嫩滑，炸金針菇好香脆，炸淮山片就好似食緊蝦片咁，最後個炸小蘇肉就韌咗少少，鍾意食炸物嘅你，不妨一試！3.爆漿鴛鴦糍粑$58（9.5/10）呢個糍粑一黑一白，每種色各兩粒，口感煙韌，一咬餡料嘅流心慢慢流出嚟，唔算太甜！4.海陸空天團（15串）$68（8/10）呢個串燒拼盤一共有15串，有魷魚、雞掌同牛肉，一吋一小舊，雖然食落好方便，但唔算抵食！5.冰粉（無限）$6一位（8.5/10）初初點冰粉時，好鬼期待，點知原來係
今次介紹沙田新城市廣場一期6樓有一間烤魚店叫「探魚烤魚」，呢間喺內地係超出名嘅烤魚店，依家唔洗返北上都可以食到呢間烤魚店，我最鍾意反而係佢哋嘅冰粉，無限任食只係每位收$6，好抵！
1.鮮青椒爽麻辣味烤魚（凌波魚）$298（8.5/10）
我叫咗鮮青椒爽麻辣味烤魚，用上凌波魚，凌波魚都係第一次食，魚嘅肉質夠滑，可惜有好多細骨，大家真係要小心食到魚骨，至於辣度唔算好辣，呢個辣應該食唔到辣嘅人都可以接受到，條魚算好大條，足夠兩個人一齊食，仲有好多舊豆腐，份量非常足夠！
2.易燃易爆小吃天團$68（8/10）
呢個炸物拼盤份量都唔少，有炸雞肉、炸金針菇、炸淮山片和炸小酥肉，炸雞肉肉質嫩滑，炸金針菇好香脆，炸淮山片就好似食緊蝦片咁，最後個炸小蘇肉就韌咗少少，鍾意食炸物嘅你，不妨一試！
3.爆漿鴛鴦糍粑$58（9.5/10）
呢個糍粑一黑一白，每種色各兩粒，口感煙韌，一咬餡料嘅流心慢慢流出嚟，唔算太甜！
4.海陸空天團（15串）$68（8/10）
呢個串燒拼盤一共有15串，有魷魚、雞掌同牛肉，一吋一小舊，雖然食落好方便，但唔算抵食！
5.冰粉（無限）$6一位（8.5/10）
初初點冰粉時，好鬼期待，點知原來係自助式，唔知係咪放得太近烤魚旁邊，食落冰粉無咁凍，自助區有超過十款配料比你揀，我自己較為鍾意花生粒、提子乾同寒天晶球，$6一位真係好鬼抵，平過飲一杯茶飲店嘅檸檬水！
2人總共價錢$554，有加一服務費！
個人口味總評分：8.5/10
@newtownplazahk
地址：沙田沙田正街18號新城市廣場一期6樓626號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#探魚烤魚 #烤魚店 #沙田 #沙田好去處 #沙田美食 #沙田新城市廣場 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
