影片
更多
2023-07-12
303 浏览
7位 嘗味七人餐 $3357 (5/10)🍴雲耳 (0/10)好爽口，有浸菇菌醃製嘅味道，少臭。🍴本地水耕沙律菜伴芝麻醬 (5/10)好爽口，芝麻醬好濃味，蓋過菜味。🍴榮哥自家甜酸齋 (7/10)煙靭酸酸甜甜，幾好食。🍴雙色墨魚仔 (7/10)非常彈牙，爽口鹹鹹地，另一隻有啲似日式海蜇沙律醬。🍴茶燻流心蛋伴黑魚子醬配厚切茄子 (7.5/10)雞蛋好有蛋味，煙熏味好濃郁，茄子都好軟腍，有炸香過，個汁好似日式燒汁。🍴原盅燉哈密瓜螺頭黑毛豚肉湯 (7/10)好清甜，有蜜瓜嘅清甜味，豬肉好腍，一咬就化開，一滴油都冇！🍴原盅燉川見陳皮海底椰鱷魚肉湯 (7/10)鹹香有酒味，鱷魚肉有啲似豬肉？唔覺得有咩特別。🍴清蒸生猛星班 (7.5/10)肉好嫩滑，幾有魚味，七個人食有啲少，每人一啖🤣🍴香煎北海道帶子海中寶 (7.5/10)蝦肉係新鮮蝦肉，好彈牙有蝦味，不過味道比較鹹少少，帶子好嫩滑，好有鮮味。🍴遠年新會陳皮黑豚肉排骨 (5/10)雖然好鬆化，肉好肥膩，成舊都係肥膏，帶小小梅同陳皮香味，油到食唔到，利申平時都食五花腩😂🍴奶油日本小南瓜麵包盒 (5/10)南瓜好爽口，鹹鹹地，冇乜忌廉味，麵包香脆，
🍴雲耳 (0/10)
好爽口，有浸菇菌醃製嘅味道，少臭。
🍴本地水耕沙律菜伴芝麻醬 (5/10)
好爽口，芝麻醬好濃味，蓋過菜味。
🍴榮哥自家甜酸齋 (7/10)
煙靭酸酸甜甜，幾好食。
🍴雙色墨魚仔 (7/10)
非常彈牙，爽口鹹鹹地，另一隻有啲似日式海蜇沙律醬。
🍴茶燻流心蛋伴黑魚子醬配厚切茄子 (7.5/10)
雞蛋好有蛋味，煙熏味好濃郁，茄子都好軟腍，有炸香過，個汁好似日式燒汁。
🍴原盅燉哈密瓜螺頭黑毛豚肉湯 (7/10)
好清甜，有蜜瓜嘅清甜味，豬肉好腍，一咬就化開，一滴油都冇！
🍴原盅燉川見陳皮海底椰鱷魚肉湯 (7/10)
鹹香有酒味，鱷魚肉有啲似豬肉？唔覺得有咩特別。
🍴清蒸生猛星班 (7.5/10)
肉好嫩滑，幾有魚味，七個人食有啲少，每人一啖🤣
🍴香煎北海道帶子海中寶 (7.5/10)
蝦肉係新鮮蝦肉，好彈牙有蝦味，不過味道比較鹹少少，帶子好嫩滑，好有鮮味。
🍴遠年新會陳皮黑豚肉排骨 (5/10)
雖然好鬆化，肉好肥膩，成舊都係肥膏，帶小小梅同陳皮香味，油到食唔到，利申平時都食五花腩😂
🍴奶油日本小南瓜麵包盒 (5/10)
南瓜好爽口，鹹鹹地，冇乜忌廉味，麵包香脆，幾香牛油味同蒜蓉味，性價比0😂
🍴招牌茶王壎雞 (8/10)
個皮好香脆，幾香茶味，幾鹹香，肉嫩滑。
🍴魚湯有機時令鮮蔬 (7/10)
正常菜，冇乜特別。
🍴大紅大紫炒飯 (6/10)
係紅菜頭炒飯，有輕微紅菜頭味，炒飯粒粒分明，濕度剛好，比想像中冇乜料，真係得啲紅菜頭粒。
🍴時令甜品 (8/10)
湯圓皮幾厚，好煙韌有糯米粉嘅香味，芝麻非常香，有少少芝麻沙沙感，一啲都唔甜，幾好食。
推薦指數: 3/10
七個人份量少咗啲，係澱粉質令大家飽肚😅原價六人餐$2538，改七人價錢但食物份量明顯冇多到，三千幾蚊埋單😅真金白銀同屋企人慶祝生日，嘢食就一般，價錢貴但唔值，mark左生日乜都冇，私房菜同酒樓一樣味，好多打_囉🙄寧願食大排檔，會開心好多😅
张贴
