今次叫咗兩個set lunch，火炙魚生丼定食一上台，個賣相已經贏晒！魚生厚到離譜，用火輕輕燒過之後，邊位帶少少焦香，油脂香勁突出，撈埋醋飯一啖落肚，好鮮甜！極上蟹皇丼更誇張，蟹肉堆到成座小山，蟹膏絕對比足料，食到停唔到口～
額外叫咗三文魚同吞拿魚刺身，新鮮到見到條紋，入口即化嘅口感，真係冇得彈！小食揀咗日式芝士年糕，外皮金黃脆卜卜，咬開裡面芝士直接爆漿，甜鹹夾雜超治癒～配返杯凍黑啤，泡沫細滑，解膩又過癮，簡直係天作之合！
最後用蜜桃雪葩收尾！蜜桃味超濃郁，冰凍綿密，一口落去，之前嘅油膩感即刻冇晒～
觀塘午餐想食得靚又抵，呢間真係首選！
