拉麵最主要係靈魂的湯底，呢度堅持用無激素雞，每天新鮮即製，而濃厚的厚感係約天然黎自雞內的骨膠原。水質對於湯底亦都好重要，所以呢度會用3M過濾軟水，除左提升安全外，同時亦會令湯底更加滑溜，可見店主對雞白湯質素的堅持及誠意的匠人魂。
[蟹之雞白湯拉麵] - $117 (另加2塊叉燒)
平時雞白湯拉麵的湯底會係雪白的顏色，蟹之雞白湯拉麵一上台就見到橙黃色，我估應該黎自蟹膏的顏色。另外仲配上蟹肉、蟹膏、叉燒及來自日本產的糖水蛋。細膩蟹膏讓湯汁更加濃稠且富有香氣，每一口都可以感受到蟹肉的鮮甜與雞湯的溫潤。幼細的麵條掛滿湯汁，搭配爽口的配料如嫩筍同青蔥等，令味蕾綻放出獨特海陸雙重享受。
[櫻花蝦濃厚雞白湯拉麵] -$95
如果[蟹之雞白湯拉麵]係不斷衝擊你味蕾的騎士，咁[櫻花蝦濃厚雞白湯拉麵]
反而係美麗優雅的公主，係雪白的雞白湯上面鋪滿整碗的香脆櫻花蝦，呢個「紅白」景象，讓人視覺先食慾大開。櫻花蝦的鮮香和微微脆口，為濃厚雞湯注入一絲海洋氣息與口感對比，提升整體風味層次，但唔會掩蓋雞白湯的濃香鮮雞味。當細幼的麵條吸收這濃厚湯汁，每啖都帶點濃郁嚼勁，餘韻細長而不膩。
[炸雞皮餃子‧唐揚炸雞]
炸雞皮餃子同唐湯炸雞都有共通點係外脆內軟。前者用雞皮作為餃子皮，雖然未必夠脆口，但反而多左雞皮帶黎的油香。而後者的炸粉夠薄，而內裏的肉質保持Juicy，唔會炸得過火而變到乾噌噌。
