潮薈軒

营业中

休息中

今日捐窿捐罅去觀塘搵咗間中菜！絕對係俾佢嗰個晚市送燒鵝吸引咗！！！而且套餐有湯、有魚、有主菜、有小菜、有燒味，更加有甜品。仲要免泊車兩個鐘，超誇張。菜單唔係set死，仲有彈性可以自己揀！先講佢個冬瓜湯，啱晒夏日消暑！就連裏面嘅瘦肉都好爽嫩，湯頭清甜。燒味尚可，但係勝在款式多，除咗有送嘅燒鵝，亦都有叉燒、海蜇以及燒肉！主菜都幾滿意，特別係佢伊麵帶少少彈牙口感，海蝦亦都有預先炸過。甜品除咗有桂花糕，餐廳仲送咗芝麻糊同綠豆沙！！除咗好食之外，仲有人情味。