潮薈軒

同朋友去观塘揾食，发现呢间「潮荟轩」真系正！观塘站行4分钟就到，方便到爆。入到去环境光猛阔落，枱与枱之间空间充足，坐得好舒服。我哋四个叫咗个「海虾翅餐」($788)，人均$237食到超满足，仲有惊喜甜品送！ 必食重点明炉烧鹅（免费送！）而家佢哋做紧优惠，只要一坐低就会送烧鹅，我哋四个人送咗例牌烧鹅。唔好以为送嘅嘢就求其，相反啲皮脆到「咔嚓」声，肉质嫩滑又多汁。最正系个皮同肉之间嘅油脂，入口即溶，配酸梅酱简直绝配！ 烧味三拼（水准高）- 脆皮烧腩仔：皮脆过薯片，三层肉肥瘦均匀，个皮可以脆足成餐饭，真系有啲料到。- 蜜汁叉烧：用脢头肉，边位㶶㶶哋，蜜汁香甜唔会过火，连平时唔钟意食叉烧嘅，我都觉得好好味。- 凉拌海蜇：厚切爽脆，麻油香好突出。清蒸沙巴龙趸（鲜味爆灯！）条鱼蒸得啱啱好，鱼肉一夹就离骨，嫩滑到不得了！鱼皮仲有层啫喱状胶质，豉油调味恰到好处，葱丝铺面带出鲜味。最惊喜系鱼肉完全冇腥味，新鲜度满分！ 上汤海虾伊面（原来伊面才是主角！）海虾大大只，虾肉爽口弹牙。伊面煮得刚好，索晒上汤嘅精华，汤底清甜唔会太重味精。 红烧花胶海皇翅（足料到吓亲）汤羹入面真系睇到一疏疏鱼翅，仲有花胶同埋粒粒虾仁，饮完成个嘴都黏黏哋，胶质丰富到爆！ XO酱炒带子（镬气十足） 带子煎到外脆内嫩，size有成银仔咁大！西芹爽脆清甜，完美平衡XO酱嘅浓味。 甜品时间- 杞子桂花糕（跟餐）：清甜唔腻，桂花香好自然，仲有杞子增加口感 - 额外送糖水（二选一）： - 陈皮绿豆沙：煲到起沙，陈皮香若隐若现 - 芝麻糊：香浓滑溜，芝麻味好出 今餐真系食得好满足，由头盘烧鹅到主菜蒸鱼，再到甜品都咁出色！朋友已经约定下个月要再嚟encore～ …查看更多

朋友约我到观塘“潮荟轩”怀旧酒楼，前身是潮菜馆，现在改了做粤菜～ 不熟悉观塘的我起初都不知地点在哪里，朋友一讲就明，原来观塘站A2出口直行，落扶手电梯转右，不久就找👍 前菜是酸荞头，醒胃🤩 海蜇青瓜$52蒜泥超香，青瓜爽脆清甜,开胃之选😍 姜葱焗桶蚝$198大大只，只只都胀卜卜，外皮焗得香脆，但蚝肉仍保持好juicy，滋味无穷😋😋😋 红烧乳鸽$58乳鸽顾名思义即系BB鸽，鸽肉当然是鲜嫩肉滑啦😅我特别喜欢鸽脾仔，连皮一口咬落去，真系好好味👍 猪骨大芥菜煲$108净系见个汤底就知道有几香浓，有啲似阿妈老火汤😍芥菜索晒啲汤，真系超正🤩排骨煲得刚刚好，够腍但仲好有肉味～烧鹅晚饭居然有烧鹅送，简值系意外惊喜，超窝心🥰 地方宽敞，招呼又周到，食下倾下又一晚，食饱饱仲有糖水送👍 糖水虽然是免费，但一点都不马虎，火喉十足，好香陈皮海带嘅绿豆沙，食埋真系好满腹又满足👍😍 仲见到有好抵食嘅晚饭全包宴餐，下个月妈咪生日就吾使四围揾地方喇✌️…查看更多

男朋友喺观塘返工有咩好野都逃不开佢嘅法眼最近佢留意到观塘潮荟轩有个抵食套餐于是叫埋朋友一行四人一齐去试试潮荟轩位于巧明街APM行过去好近餐厅装修高雅楼底高仲有几间包厢可以办小型宴会我仲见到酒楼有雀局自选套餐几正㖞！我地四个食左海虾生翅套餐汤品同小菜都有得自选整体水准唔错份量合适烧味拼盆头盘黎个三拼烧肉皮脆叉烧微焦香甜唔错红烧花胶海皇翅份量多每人可以分到两碗翅汤足料入口够胶质啖啖精华滋补清蒸沙巴龙趸仔鱼新鲜蒸得刚刚好鱼肉细嫩无腥味淋上热油同豉油够惹味又保留到鱼鲜招牌小炒皇炒得好够镬气！虾干、鱿鱼丝、腰果都炒得香脆入味椒盐比例啱啱好送饭一流上汤海虾伊面大虾只只新鲜弹牙伊面挂汤汁唔会淋成碟唔算细食完好饱最后仲食左杞子桂花糕清新唔腻桂花香淡淡地渗出嚟加上杞子啱啱中和返啲甜清清地收尾一流男朋友果然好介绍潮荟轩地方阔落人多仲可以包厢可以慢慢坐好啱家庭聚会、朋友饭局…查看更多

屋企人钟意食粤菜，揾到呢间酒楼好抵食，晚饭时间2-5位竟然送一碟例牌烧鹅。烧鹅平时都唔平，见到咁抵食，决定嚟呢间酒楼试吓。烧鹅（例牌）估唔到送嘅都好正，出品好有诚意。烧鹅唔系冻冰冰，有温度的，而且皮脆肉嫩，咬落去啲皮度充满油香，鹅肉有肉汁，绝对唔会又干又柴，屋企人食得好满意好滋味。粟米深海鱼块呢个系非一般嘅粟米斑块，鱼块系超级厚一大件，用上靓鱼，肉系一索索。粟米汁系分开上，保证食嘅时候炸鱼块表面系脆身，口感先系湿润嘅粟米汁，然之后脆脆嘅薄薄炸粉，然之后系厚厚爽滑嘅鱼肉。生煎莲藕饼呢个又系好好食，莲藕饼煎得好靓，色泽金黄金黄，咬落去肉饼充满肉汁，而且有一粒粒嘅爽脆莲藕，口感好好，加上适量嘅芫荽葱调味，味道绝配。干烧伊面呢个虽然系好普通嘅菜式，但系好香好好味。伊面质感好好有弹性的，唔系好腍断晒𠮶啲，而且每条都入晒味，挂满蚝油香气，加上芽菜同埋韭黄增加爽口嘅口感，香气十足，我好钟意。最后仲有糖水送添，我哋𠮶晚有绿豆沙同埋芝麻糊。我试咗绿豆沙，有臭草同埋果皮香气，绝对唔会马虎，一样系送嘅都好好味。…查看更多

位于观塘的潮荟轩，主打正宗潮洲小炒小菜，每日都用新鲜的海鲜每逢假期，有很多人在门外等候，建议大家打电话预留座位。===-===-===-===♦️红烧花胶海皇翅♦️这道红烧花胶海皇翅汤色金黄浓郁，花胶厚实软糯，入口即化，胶质丰腴黏唇。海皇翅丝丝分明，吸饱高汤精华，鲜味层次丰富。老火汤底以金华火腿与老鸡熬制，醇厚不腻，带淡淡干贝香气。整体火候到位，滋补奢华，尽显粤式炖汤的讲究功夫，冬日暖身首选。🥰♦️烧味拼盘♦️这道烧味拼盘荟萃粤式精髓：蜜汁叉烧油润晶亮，肥瘦相间，入口焦糖香与肉汁交融；脆皮烧肉三层分明，金黄脆皮下脂肪如雪，蘸黄糖更显咸甜层次；海蜇爽脆解腻，麻油香画龙点睛。拼盘火候精准，冷热搭配得宜，一次尽享三种经典烧味的丰盈口感，佐酒下饭皆宜。 😋♦️清蒸沙巴龙趸♦️这道清蒸沙巴龙趸火候绝妙，鱼肉洁白如蒜瓣，用筷子轻拨即离骨，入口细嫩鲜甜带淡淡海水味。师傅以豉油皇与爆香葱丝提鲜，衬托龙趸本身的清雅。鱼皮胶质丰厚，鱼鳍边的软嫩胶质更是精华所在。蒸制时间精准，鱼眼凸出泛白，尽显新鲜度，是考验厨功的经典粤式海鲜佳作。🥰♦️杞子桂花糕♦️这道杞子桂花糕晶莹如琥珀，质地Q弹却不失细腻，入口即化出淡雅桂花香气。枸杞点缀其间，为甜品添一抹自然甜味与养生意味。糖水比例恰到好处，甜而不腻，尾韵带有蜂蜜般的温润。冰镇后食用更显清爽，是兼具视觉与味觉享受的经典广式甜点，宴席完美的收尾。🍰🍡🍧====-====-====📌店名：潮荟轩📍地址：观塘巧明街107号国基集团中心3楼…查看更多