部屋咖啡室

旺角登打士街係唔少年輕人嘅聚腳地, 單係一座登打士廣場就已經雲集左一大堆樓上cafe, 今日嚟到其中一間部屋咖啡室。入到去氣氛熱鬧, 係青春嘅氣息呀。嚟到剛好係午市時段, Lunch Set 由$72 至 $88不等, 套餐以外嘅菜式價錢亦相當親民。餐廳設有最低消費: 每人一杯飲品 / 一個套餐。用餐時限三小時, 對我地嚟講已經相當充裕。點餐後雞翼最先送到, 雞皮烤至金黃色, 新鮮熱辣仲出緊油。不過一份只有4隻, 人多就要叫多幾份啦。14吋大批份量十足, 餅底較厚, 芝士毫不吝嗇地密鋪平面, 配料唔算多, 但相當飽肚。意大利飯混入黑松露醬, 飯粒較為軟身, 迎合大眾口味。